Video
Read full review
2023-04-08
530 views
淺水灣一帶俾人感覺高尚，入到嚟好似去咗外國咁🏝️沙灘旁邊嘅商場剩係得幾間貴價西餐廳，選擇甚少，食嘅嘢都係toast/ ADB 今日想食飯食飽啲，於是乎行遠少少去咗呢間係起7-11隔離嘅茶餐廳有lunch set，包飲品，另外可以散叫咖喱飯／焗飯／炒飯炒麵／滑蛋飯等▶️ XO醬西芹炒雞柳 ($76)落足XO醬，食落辣又惹味🌶️可以見到勁多蒜頭、瑤柱同辣椒另外仲落咗一絲絲紅綠椒同大量西芹 (本身個人好憎食西芹，但呢度嘅西芹唔算好重味，所以尚可接受🙈)🐔雞肉份量唔少，用連皮雞扒，食落幾滑嫩有肉地白飯大概1.5碗左右，質感偏硬少少，間中帶啲飯焦口感，但有飯香味▶️ 西炒飯 ($78)呢個份量係巨型，朋友話可以食飽五個人😂佢都幾多料，有炒蛋、午餐肉粒、火腿片、蕃茄碎、青蔥、香腸，全部切到細細粒方便食味道上有蕃茄鮮味，所以甜甜地而唔鹹🍅蕃茄味唔似係用茄膏，味道天然炒得唔油但偏濕少少，唔係乾身嘅炒飯▶️ 熱香濃咖啡跟餐飲品咖啡唔會好苦☕️偏酸帶少少堅果味-食物有水準，可以話係高級少少嘅茶餐廳環境好舒服，唔係好多人，坐得好寬闊座位用上紅色梳化，仲要望沙灘景🏞️服務仲好好，埋單嘅時候個收銀叫我哋去多啲，可惜淺水灣對我
沙灘旁邊嘅商場剩係得幾間貴價西餐廳，選擇甚少，食嘅嘢都係toast/ ADB
今日想食飯食飽啲，於是乎行遠少少去咗呢間係起7-11隔離嘅茶餐廳
有lunch set，包飲品，另外可以散叫咖喱飯／焗飯／炒飯炒麵／滑蛋飯等
▶️ XO醬西芹炒雞柳 ($76)
落足XO醬，食落辣又惹味🌶️可以見到勁多蒜頭、瑤柱同辣椒
另外仲落咗一絲絲紅綠椒同大量西芹 (本身個人好憎食西芹，但呢度嘅西芹唔算好重味，所以尚可接受🙈)
🐔雞肉份量唔少，用連皮雞扒，食落幾滑嫩有肉地
白飯大概1.5碗左右，質感偏硬少少，間中帶啲飯焦口感，但有飯香味
XO醬西芹炒雞柳
$76
74 views
0 likes
0 comments
▶️ 西炒飯 ($78)
呢個份量係巨型，朋友話可以食飽五個人😂
佢都幾多料，有炒蛋、午餐肉粒、火腿片、蕃茄碎、青蔥、香腸，全部切到細細粒方便食
味道上有蕃茄鮮味，所以甜甜地而唔鹹🍅蕃茄味唔似係用茄膏，味道天然
炒得唔油但偏濕少少，唔係乾身嘅炒飯
西炒飯
$78
57 views
0 likes
0 comments
▶️ 熱香濃咖啡
跟餐飲品
咖啡唔會好苦☕️偏酸帶少少堅果味
-
食物有水準，可以話係高級少少嘅茶餐廳
環境好舒服，唔係好多人，坐得好寬闊
座位用上紅色梳化，仲要望沙灘景🏞️
服務仲好好，埋單嘅時候個收銀叫我哋去多啲，可惜淺水灣對我來講真係好遠，十世都唔入去一次🥲
價錢雖然比茶餐廳貴，但以呢個份量、材料加環境都值得，仲要唔收加一
大家如果入嚟淺水灣沙灘玩，on budget又想食得飽可以幫襯呢間👍🏻
Post
