Find The Way

Open Now

Now Closed

放假想到一處渺無人煙嘅寧靜小角、又想有一轉懷舊復古嘅日系感覺，Find the way會係唔錯選擇。店鋪以深木色作主調，坐位10個以內，吧店式設計令客人對Bar一覽無遺，有種舊式酒館懷舊感覺。可以黎打書釘，店員唔會趕你走，慢慢享受悠然下午。一進店內已傳來輕輕的熱香餅嘅牛油及蛋香氣～ 店鋪食品選擇不多，主打鬆厚熱香餅(單點$45)及焦糖雞蛋布丁(單點$45)，熱香餅連飲品一set就$80，我相信食甜品飲熱飲係唔錯嘅配搭。平日及假日均設最有最低消費，平日每位一杯飲品、假日每位食品加飲品，想要share野食嘅朋友仔記得留意。熱香餅即叫即製，上碟飄來濃香雞蛋同牛油香味，面頭配有一片牛油🧈，兩面煎香後質地煙韌，咬開後內裡口感鬆軟，有彈性，唔會太硬，2人share剛好，適合當作下午茶。焦糖雞蛋布丁係雪凍嘅布丁上，加上焦糖及淡忌廉，味道正常，清甜，幾好的refreshment。整體享受環境多過野食。