露面手工拌麵料理

朋友新居入伙，探訪前同老公在附近揾食，咁啱呢間鋪頭就在修頓球場隔離，就入去試下🤩🤩$88免加一的午餐，包小食，麵/飯，飲品都幾抵👍👍我揀左個瑞士雞翼Biang Biang麵,麵質煙韌有口感，雞翼有4隻非常入味，小食點左手拍蒜蓉青瓜，清新脆口， 有少少喉嚨乾涸，所以叫左杯熱杯蘋果蜂蜜茶，飲完好潤又唔算太甜。我老公揀左個魯肉飯，份量適中，魯肉份量足夠食完一碗飯，仲有半隻流心蛋，真係不得了，小食點左巴蜀口水鷄，辣汁惹味，鷄肉嫩滑🥰🥰另外仲點左麻醬雞絲粉皮，雞絲都多足夠啖啖肉，粉皮清新爽口配埋個麻醬冇得頂👍👍👍