Video
Read full review
2018-10-16
47 views
之前朋友有帶過我黎鋸扒，知佢多左個午市自助餐，中意任飲任食既我梗係要黎試下以觀塘區黎講餐廳選址好易搵，就喺鱷魚恤隔離，行樓梯一上就係。餐廳裝修花左唔少心思，一如其名，樓梯兩旁掛滿充滿藝術風格既壁畫，一路行上去如同走進魔幻世界一樣。午市自助餐都只係$88加一，去邊搵？本身諗住質素會同價錢成正比，無諗過居然物超所值！！剩係主菜都有十幾款，亦有沙律、餐前小食、甜品，應有盡有，連酒店常見既 Parmesan cheese都有得任拎紅酒燉牛面肉（下），肉質鬆軟入味，完全唔韌，細問之下先知原來廚師預先慢煮左至少24小時雞翼（左上）隻隻都大大隻，夠入味。估唔到呢個價錢會有豬肋骨食，平時西餐半份都近兩舊水！豬肋骨焗得好軟稔，一切就開，厚肉唔係得骨，燒烤醬酸酸甜甜非常惹味。芝士煙肉焗西蘭花（上），西蘭花焗得好淋，唔會好生好硬，芝士份量足，啖啖都食到香口芝士味照燒雞扒（下），照燒汁好香，雞肉嫩滑，唔會太肥太多肥膏，女士實岩食龍脷柳（右上）新鮮，食到有海魚味，底下舖左薯蓉，幼滑得黎好香忌廉味。四款法國直送既酥餅，烘熱後非常酥脆鬆化，特別係火腿芝士酥同提子漩渦。後者中間夾左吉士同提子，同時食到奶香同莓果既酸甜
以觀塘區黎講餐廳選址好易搵，就喺鱷魚恤隔離，行樓梯一上就係。
餐廳裝修花左唔少心思，一如其名，樓梯兩旁掛滿充滿藝術風格既壁畫，一路行上去如同走進魔幻世界一樣。
午市自助餐都只係$88加一，去邊搵？
本身諗住質素會同價錢成正比，無諗過居然物超所值！！剩係主菜都有十幾款，亦有沙律、餐前小食、甜品，應有盡有，連酒店常見既 Parmesan cheese都有得任拎
紅酒燉牛面肉（下），肉質鬆軟入味，完全唔韌，細問之下先知原來廚師預先慢煮左至少24小時
雞翼（左上）隻隻都大大隻，夠入味。
估唔到呢個價錢會有豬肋骨食，平時西餐半份都近兩舊水！
燒豬肋骨
8 views
0 likes
0 comments
豬肋骨焗得好軟稔，一切就開，厚肉唔係得骨，燒烤醬酸酸甜甜非常惹味。
芝士煙肉焗西蘭花（上），西蘭花焗得好淋，唔會好生好硬，芝士份量足，啖啖都食到香口芝士味
照燒雞扒（下），照燒汁好香，雞肉嫩滑，唔會太肥太多肥膏，女士實岩食
龍脷柳（右上）新鮮，食到有海魚味，底下舖左薯蓉，幼滑得黎好香忌廉味。
四款法國直送既酥餅，烘熱後非常酥脆鬆化，特別係火腿芝士酥同提子漩渦。
後者中間夾左吉士同提子，同時食到奶香同莓果既酸甜，味覺層次鮮明豐富。
芝士火腿酥
2 views
0 likes
0 comments
火腿芝士酥芝士焗至微溶狀態，入口厚滑，配埋火腿既鹹香味道一絕
鮮果麵包盒
5 views
0 likes
0 comments
鮮果麵包盒，賣相好精緻，面頭既鮮果好清甜，特別係火龍果
裡面既麵包粒烘至鬆脆，仲淋左楓糖漿，食得出廚師既心思同一絲不苛
黑松露雜菌忌廉湯
1 views
0 likes
0 comments
黑松露野菌忌廉湯，忌廉味濃郁，略嫌蓋過黑松露嘅清香，但勝在麵粉同野菌份量調配得恰到好處，口感綿密有質感。
仲有自助飲品吧，奶茶咖啡仲有唔同既果茶，選擇繁多，總有一款岩心水。$88絕對物超所值，而且質素有驚喜，希望呢個午市自助餐長做長有，一定個個禮拜黎食
Post
