Video
Read full review
2021-06-02
444 views
康城The Lohas 開咗幕一段時間，雲集唔少出面唔多見嘅餐廳，絕對係一個規劃得算唔錯嘅新商場。今日難得同男朋友入到嚟，睇完戲順便到同樣喺四樓嘅呢間 Interval 食晚餐🍴。係出面睇呢間餐廳設計得好靚，雖然有成個大露天位置都無好好佈置利用，室內部分都同啲新式café一樣既有空間感又有美感。臨入去之前，喺coffee bar 先睇下佢有咩賣。見到上網都有人推介Tiramisu，但係嗰晚就應該賣唒😢，只係見到好多各式各樣嘅pastry同埋呢年好hit嘅basque cheesecake。雖然有啲失望，不過我哋都決定試下佢嘅主菜。點知打開menu，原來宜家只係做三款pasta嘅set dinner，嗰個失望感隨即再增加😞😞。雖然我哋都食pasta，但如果只係得一款主食仲要得三個選擇，就未免太過單調🤔。加上另外兩款對我同男朋友都唔算吸引，所以我哋都只係各自叫咗個Carbonara dinner set。 Set Dinner ($88)前菜: Summer Green Salad呢個沙律🥗整體嚟講感覺普通，無咩特別。用流心蛋做沙律嘅中心係好味嘅，但考慮到我哋叫咗Carbonara都係差唔
臨入去之前，喺coffee bar 先睇下佢有咩賣。見到上網都有人推介Tiramisu，但係嗰晚就應該賣唒😢，只係見到好多各式各樣嘅pastry同埋呢年好hit嘅basque cheesecake。雖然有啲失望，不過我哋都決定試下佢嘅主菜。點知打開menu，原來宜家只係做三款pasta嘅set dinner，嗰個失望感隨即再增加😞😞。雖然我哋都食pasta，但如果只係得一款主食仲要得三個選擇，就未免太過單調🤔。加上另外兩款對我同男朋友都唔算吸引，所以我哋都只係各自叫咗個Carbonara dinner set。
Set Dinner ($88)
前菜: Summer Green Salad
呢個沙律🥗整體嚟講感覺普通，無咩特別。用流心蛋做沙律嘅中心係好味嘅，但考慮到我哋叫咗Carbonara都係差唔多嘅配搭，就覺得有啲重複。醬汁上同食材上都無咩驚喜，size都比想像中細，係普通一間餐廳都可以食到嘅沙律質素💁🏻♀️。
Summer Green Salad
19 views
0 likes
0 comments
湯: Butternut Squash Soup (+$20)
呢個南瓜湯🎃可以話係成餐飯最好味嘅一樣嘢，但留意番本身個餐係唔包㗎，要額外加錢先會有。南瓜湯非常濃郁，配合埋烤麵包塊，飽足感好夠。值得一提嘅係湯入面亦有帕爾馬火腿，除咗可以令個湯多一種層次，亦同南瓜個味配合得好好，係一個好適合嘅組合😋。食到松子更加令我好興奮🥰，因為自己好鍾意湯入面有啲咁有咬口嘅嘢，所以個湯可以話係救番頭先嘅失望。
Butternut Squash Soup
19 views
0 likes
0 comments
主菜: Spaghetti Carbonara
帶番少少期待迎接個主菜，一遞上枱就同之前估計一樣又見到流心溫泉蛋😆。不過真正令我有少少失望嘅係，食物嘅賣相依然係非常普通。其實你睇番頭先嘅沙律都會見到，呢度嘅食物無擺盤可言，咁樣的確會係未食之前就留下一個麻麻地嘅印象😔，亦非常唔襯佢個咁精緻嘅裝修。
不過回歸食物本身，個carbonara嘅汁係處理得不過不失嘅，食落去都唔會覺得太鹹。但一食個意粉問題就出現喇🤦🏻♀️!! 一咬落去已經覺得有少少dry，之後仲覺得佢好硬。意粉有啲彈口先算係好食嘅，但呢個意粉又未去到al dente嘅狀態，懷疑佢有少少未熟透😕。咁啱服務員走過嚟問我哋食物質素，我就決定照直反映俾佢聽，不過講完之後佢就無再嚟follow-up過喇😅。服務質素好似可以有啲改善空間🙈。
Spaghetti Carbonara
27 views
0 likes
0 comments
今日呢餐飯嘅心情就好似坐過山車咁，食物質素嘅起伏好大。不過呢個餐本身只係賣九十蚊唔使，咁樣諗就唔會覺得好失望。如果你係特登入嚟食就唔建議㗎喇，不過想平平哋食西餐嘅話都係一個可以嘅選擇，希望遲啲會有啲改善喇🙊🙊~~
Post
