LCB Roasterie (Closed)

好耐冇出街食嘢，今日試咗優惠$88龍蝦意粉套餐，原價成百幾蚊㗎！咁呢個餐就飽嘢飲（凍熱嘅咖啡或者茶）、餐湯（菜湯）、生菜沙律同埋個龍蝦麵。半隻龍蝦就大部份都拆咗出嚟，上面啲芝士襯托咗龍蝦嘅味道！個菜湯就不過不失普通羅宋湯。環境同裝修都幾好，見到隔離有啲阿叔飲酒，你哋都可以試吓，不過我就鍾意咖啡多啲！個咖啡有個熊仔拉花幾得意～服務都幾好，侍應會介紹返啲嘢食、最後仲俾咗啲coupon我哋。但係唔知個優惠做到幾耐！