Video
Read full review
2022-07-06
124 views
行過發現一間好得意嘅漢堡包店，店舖裏裏外外都係點陣圖砌成，雖然外邊撘左棚架，但都仲可以打下卡嘅。睇下餐牌，價錢六十幾起，加十八蚊可以轉餐，都幾抵食吖，試下佢先。落完單，店員即叫即整十分爽手，大概十分鐘左右已經有得拎了。廚房很簡潔，完全無油煙味，用具睇落都好乾淨添。叫左一人一份漢堡包餐，賣相唔錯喎，仲好香添。WB豬牛薯堡朋友話佢唔諗啦，一下就叫個最重量級嘅漢堡包，裏面有牛肉同豬肉漢堡扒各一塊，仲有流心煎蛋同薯餅，再配上芝士、生菜同蕃茄呢啲無得輸餡料，仲有店家秘製醬汁，有少少似千島醬同沙律醬嘅味，總之就係好味喎。四川麻辣雞堡自己諗住點雞堡，諗緊要芝菠蘿雞定四川雞好，前者好似豐富啲咁，但個人偏好食辣，最後都係揀左四川雞。雞扒十分厚，雖然炸得有少少燶，但入面仲係好juicy㗎，比起某連鎖店嘅紙片雞扒，呢度起碼厚五倍，唔係得啲炸粉囉。醬汁酸酸辣辣都幾好味，不過個人覺得可以再辣啲同麻啲，點得呢個口味嘅人都應該係鍾意食辣㗎嘛。炸薯條&炸洋蔥圈轉餐可以揀一款小食，要左薯條同洋蔥圈。薯條勁脆，加左味粉好香口。洋蔥圈同樣炸得香脆，入面個洋蔥都幾甜添。罐裝飲品轉餐仲有飲品一罐，可以再加三蚊轉支裝飲品。要左+
行過發現一間好得意嘅漢堡包店，店舖裏裏外外都係點陣圖砌成，雖然外邊撘左棚架，但都仲可以打下卡嘅。
睇下餐牌，價錢六十幾起，加十八蚊可以轉餐，都幾抵食吖，試下佢先。
落完單，店員即叫即整十分爽手，大概十分鐘左右已經有得拎了。廚房很簡潔，完全無油煙味，用具睇落都好乾淨添。
叫左一人一份漢堡包餐，賣相唔錯喎，仲好香添。
WB豬牛薯堡
朋友話佢唔諗啦，一下就叫個最重量級嘅漢堡包，裏面有牛肉同豬肉漢堡扒各一塊，仲有流心煎蛋同薯餅，再配上芝士、生菜同蕃茄呢啲無得輸餡料，仲有店家秘製醬汁，有少少似千島醬同沙律醬嘅味，總之就係好味喎。
四川麻辣雞堡
自己諗住點雞堡，諗緊要芝菠蘿雞定四川雞好，前者好似豐富啲咁，但個人偏好食辣，最後都係揀左四川雞。雞扒十分厚，雖然炸得有少少燶，但入面仲係好juicy㗎，比起某連鎖店嘅紙片雞扒，呢度起碼厚五倍，唔係得啲炸粉囉。醬汁酸酸辣辣都幾好味，不過個人覺得可以再辣啲同麻啲，點得呢個口味嘅人都應該係鍾意食辣㗎嘛。
炸薯條&炸洋蔥圈
轉餐可以揀一款小食，要左薯條同洋蔥圈。薯條勁脆，加左味粉好香口。洋蔥圈同樣炸得香脆，入面個洋蔥都幾甜添。
罐裝飲品
轉餐仲有飲品一罐，可以再加三蚊轉支裝飲品。要左+C同檸樂，哈哈，黃罐可樂少見嘛，試下呢罐新口味先。
店舖細細都有幾個位堂食真好，炸物外賣點都失啲水準嘛。
Post
