Video
Read full review
2015-02-12
2577 views
是日乃係同老公的9周年拍拖紀念日, 難得今次地點由佢提議。訂了7點的檯, 上去時見到一個大魚缸,入面有十多條烏賊(魷魚)。問過店員,佢地話可以影相,好奇問下點解有D用個水泡裝住,個日本女職員用簡單英文答”WEAK”( 配合雙手抱身扮凍, 好kawaii 呢) , 搭完飛機要 等狀態好D先奉客。好人道咁對佢地,但最終都係食佢地落肚……哈哈個套餐牌全日文, 冇影到, 香港人店員好風趣咁話我地都會估到係咩菜式,不過佢都好耐心咁介紹有D咩係新鮮,就係蠔,同埋招牌-烏賊,咁我地就揀左個$49X/一位 嘅餐, 再加海膽+烏賊刺身(約$150/一位)。叫返杯酒來慶祝一下….cheers~~先來清酒蒸一年蠔, 來自兵庫縣。首先0係你面前倒清酒,再冚返蓋,煮到有蒸汽出來就由店員開蠔,一邊開一邊講唔係日日有得食,要日本0個邊買到新鮮貨先有,係真唔係呀,咁我試真D先 ………不愧係推介, 真係好鮮味, 細細隻好爽身,嫩口多汁,冇乜金屬味(個人喜好),我呢個對蠔一般好嘅人都食到停唔到口!之後就係刺身, 店員一一介紹, 有鯛魚,秋刀,吞拿,鮟鱇魚配酸汁,北寄貝同埋魚凍(SORRY有D唔記得了)。全部都好新鮮,尤其
是日乃係同老公的9周年拍拖紀念日, 難得今次地點由佢提議。
訂了7點的檯, 上去時見到一個大魚缸,入面有十多條烏賊(魷魚)。
問過店員,佢地話可以影相,好奇問下點解有D用個水泡裝住,個日本女職員用簡單英文答”WEAK”( 配合雙手抱身扮凍, 好kawaii 呢) , 搭完飛機要 等狀態好D先奉客。好人道咁對佢地,但最終都係食佢地落肚……哈哈
個套餐牌全日文, 冇影到, 香港人店員好風趣咁話我地都會估到係咩菜式,
不過佢都好耐心咁介紹有D咩係新鮮,就係蠔,同埋招牌-烏賊,
咁我地就揀左個$49X/一位 嘅餐, 再加海膽+烏賊刺身(約$150/一位)。
叫返杯酒來慶祝一下….cheers~~
先來清酒蒸一年蠔, 來自兵庫縣。首先0係你面前倒清酒,再冚返蓋,煮到有蒸汽出來就由店員開蠔,
一邊開一邊講唔係日日有得食,要日本0個邊買到新鮮貨先有,
係真唔係呀,咁我試真D先 ………不愧係推介, 真係好鮮味, 細細隻好爽身,嫩口多汁,冇乜金屬味(個人喜好),
我呢個對蠔一般好嘅人都食到停唔到口!
之後就係刺身, 店員一一介紹, 有鯛魚,秋刀,吞拿,鮟鱇魚配酸汁,北寄貝同埋魚凍(SORRY有D唔記得了)。全部都好新鮮,尤其是秋刀,富油香,回味無窮。反而吞拿就冇乜特別。
當海膽+烏賊刺身上檯時, 分量都唔算少。烏賊可以點烏賊肝汁+薑(圖下)而海膽就紫菜青瓜。烏賊本身冇咩味,微微鮮甜,爽脆,點個汁就剛好,但唔覺精彩。
海膽幾鮮甜,冇腥味,不俗。
當半飽時日本店員奉上個燒吞拿魚鮫, 真係”吓”左一下,咁大嘅?不過佢話係骨多喎(MANY BONES), 其實……都好多肉呀, 點酸汁吃, 肉質偏實不過不失。此時香港店員話初初開店套餐份量仲多,因為店長驚客人食唔飽………….而家已經調整左。我諗用心做食店嘅人,
係希望自己賺錢之餘,食客開心捧住肚子滿足咁走,下次都會幫襯…..諗起而家街頭幾十蚊一兜魚蛋,
真係唏噓………..
仲努力緊0係個魚鮫之時, 上左煮魷魚鬚……..彈牙好味,加D七味粉,送下酒~
冇幾耐上埋炸蠔, 炸得酥脆, 內裡JUICY不過金屬味重D(可能煮法不同),我都係鐘意清酒蒸食佢個原味多D。
真係好飽喇…….所以墨汁意粉我倆只吃了小許,意粉沾滿墨汁,像海的味道, 幾好。吃剩大半碟pack走明天吃……嘻嘻
晚餐以木槺布甸作結, 份量貫徹始終, 都係大件。好味!呢個冇得帶走,食得乾乾淨淨。
最後埋單約$1700, 拖住大肚腩滿足返家,當時已經10點幾,
等LIFT時全體店員出哂來店外講Byebye,
攪到我地有D唔好意思,好有趣,有一種尊重客人嘅感覺
當晚用餐時店員上菜時細心講解之外, 仲會問下上一道好唔好食菜,
而我地嘅答案係好食!
不過份量對於我地來講比較多。
好食而且員工態度好 的店,
一定會再來!
Post
