Pici

Open Now

Now Closed

太古坊附近呢條街環境同餐廳都好有外國氣氛，咁岩Pici 9月新出蘑菇風味時令菜式🤩 晚市套餐仲可以一次過試曬最新菜式。♡煙燻芝士菠菜焗釀紐扣蘑菇必試！芝士拉絲細滑，蘑菇大粒得黎好多汁，芝士份量岩岩好覆蓋成粒蘑菇，估唔到芝士蘑菇可以咁match~♡吞拿魚牛油果他他吞拿魚山疊到似朵花，魚生肥瘦均勻，食完更加開胃～♡香草蕃茄醬青口青口每粒都大大粒，醬汁好夾好入味👍🏻♡意大利香腸牛肝菌手工寬帶麵當前菜食完會再上主菜，難得撞到限定菜式，所以試曬🤩 未食已經聞到牛肝菌香味，手工麵亦獨一無二，厚得黎有嚼口，醬汁濃郁掛麵，又唔會太咸。♡三式芝士羊肚菌意大利雲吞芝士愛好者必食！ 雲吞包住滿滿嘅羊肚菌&芝士，每粒雲吞亦配一片大芝士，口感豐富，芝士味充滿整個味蕾🤩♡香梨意式奶凍幼滑嘅奶凍上面鋪左層香梨果凍，酸酸甜甜解膩一流。♡提拉米蘇雖然一杯唔算好大，但材料唔馬虎，cream cheeses 同蛋糕比例岩岩好。