Video
Read full review
2024-03-29
3424 views
有時想食素自助餐🌱都會諗起呢度，主要為咗佢的即磨咖啡☕，我估好少素食自助餐廳會有咖啡機架。今次食第一輪的自助午餐，1130-1245。可能係平日，所以未滿座，但食客都唔少，大家一開始就好快出去拎食物🍴，而食物都集中放同一位置，所以都幾逼。餐廳熱盤🍲、炸物🍤、蔬菜🥦、沙律🥗等選擇兼備，湯同甜品各有2-3款。不過，今次我想揀啲清清哋的嘢食，而當我放棄咗煎炸食物後，發覺餘下選擇就唔係咁多🥲。前後拎咗2碟食物🍽️，而部分嘢食都經已重複。另外亦試咗綠豆沙同攞咗1杯咖啡☕。上次嚟應該係幾個月前，果次斟咖啡的經驗幾好，咖啡出得快，而且有2款植物奶🥛供應。今次咖啡機只提供50/100毫升出水量，裝滿1杯要搞幾次，心很累😮💨（仲有其他人等，冇可能霸住部機連㩒幾次）。最後，勉強㩒咗3次，攞咗200ml咖啡☕，而植物奶🥛只有1款，係pea milk。整體嚟講，餐廳的清淡口味食物選擇偏少，而煎炸、油炒類較多（好似薄餅🍕）；飲品方面，想飲即磨咖啡☕就需要耐性。檯與檯之間距離幾接近，檯面唔大，座位亦窄，少地方可擺放私人物品👜🛍️。食物區集中，未客滿已經覺得幾擠逼。餐廳位於旺區，呢個係賣點，交通方便👍🏻。另外，呢度免
今次食第一輪的自助午餐，1130-1245。可能係平日，所以未滿座，但食客都唔少，大家一開始就好快出去拎食物🍴，而食物都集中放同一位置，所以都幾逼。餐廳熱盤🍲、炸物🍤、蔬菜🥦、沙律🥗等選擇兼備，湯同甜品各有2-3款。
不過，今次我想揀啲清清哋的嘢食，而當我放棄咗煎炸食物後，發覺餘下選擇就唔係咁多🥲。前後拎咗2碟食物🍽️，而部分嘢食都經已重複。另外亦試咗綠豆沙同攞咗1杯咖啡☕。上次嚟應該係幾個月前，果次斟咖啡的經驗幾好，咖啡出得快，而且有2款植物奶🥛供應。今次咖啡機只提供50/100毫升出水量，裝滿1杯要搞幾次，心很累😮💨（仲有其他人等，冇可能霸住部機連㩒幾次）。最後，勉強㩒咗3次，攞咗200ml咖啡☕，而植物奶🥛只有1款，係pea milk。
整體嚟講，餐廳的清淡口味食物選擇偏少，而煎炸、油炒類較多（好似薄餅🍕）；飲品方面，想飲即磨咖啡☕就需要耐性。檯與檯之間距離幾接近，檯面唔大，座位亦窄，少地方可擺放私人物品👜🛍️。食物區集中，未客滿已經覺得幾擠逼。餐廳位於旺區，呢個係賣點，交通方便👍🏻。另外，呢度免加一，全自助。以每位$98任食計💵，如果唔挑食、對環境唔太講究，咁都幾抵食~
Post
