Video
Read full review
2020-10-23
582 views
星期六去咗中環行街，其中一個原因係為咗湊熱鬧去新開張嘅激安，但排隊前先要食飽飽是常識吧😁。朋友以前喺中環返工，佢帶咗我去試「瘋狂小面」，佢昔日嘅飯堂。餐廳雖然唔係地舖，但位置都方便，喺正扶手電梯隔離嘅商業大廈一樓，行完長樓梯再坐𨋢。環境唔錯，冷氣充足，裝修行中式風，有大大個臉譜作裝飾👺。由於第一次食，我係咁問朋友有乜推介，店員聽到我哋嘅對話，勁好人主動介紹菜式👍。其實餐牌亦好清晰，除咗每款食物有圖片以外，仲有文字介紹，咁就會知道每道菜嘅分別啦。考慮到餐廳位於中環地段，食物定價唔貴😛，套餐由$78兩味到$98四味不等，個別升級小食項目就要再加錢。我哋叫咗兩個全餐，超豐富的呢。蕃茄牛肉面，我唔敢嗌辣湯，所以叫蕃茄湯，一上枱已經覺得湯底顏色好鮮橙、好靚🧡。餐廳自家製嘅鮮茄醬配以豬骨濃湯超惹味，同港式蕃茄通粉湯底或者西式羅宋湯好唔同。湯底吸收哂蕃茄嘅甜味精華🍅，酸味就無乜，不過留意番係無茄肉㗎。牛肉薄薄的有四至五片，味道唔錯，本身已經醃咗味，但又唔會遮蓋🐮牛肉本身嘅味道。湯麵嘅麵底亦係另一焦點，幼身麵條口感彈牙，就算浸咗陣都無變湖，兼且又好啱掛湯，無得輸。每碗麵均有蔥同芫荽等配料，唔啱食就記得
星期六去咗中環行街，其中一個原因係為咗湊熱鬧去新開張嘅激安，但排隊前先要食飽飽是常識吧😁。朋友以前喺中環返工，佢帶咗我去試「瘋狂小面」，佢昔日嘅飯堂。
餐廳雖然唔係地舖，但位置都方便，喺正扶手電梯隔離嘅商業大廈一樓，行完長樓梯再坐𨋢。環境唔錯，冷氣充足，裝修行中式風，有大大個臉譜作裝飾👺。
由於第一次食，我係咁問朋友有乜推介，店員聽到我哋嘅對話，勁好人主動介紹菜式👍。其實餐牌亦好清晰，除咗每款食物有圖片以外，仲有文字介紹，咁就會知道每道菜嘅分別啦。
考慮到餐廳位於中環地段，食物定價唔貴😛，套餐由$78兩味到$98四味不等，個別升級小食項目就要再加錢。我哋叫咗兩個全餐，超豐富的呢。
蕃茄牛肉面
31 views
1 likes
0 comments
牛肉薄薄的有四至五片，味道唔錯，本身已經醃咗味，但又唔會遮蓋🐮牛肉本身嘅味道。湯麵嘅麵底亦係另一焦點，幼身麵條口感彈牙，就算浸咗陣都無變湖，兼且又好啱掛湯，無得輸。每碗麵均有蔥同芫荽等配料，唔啱食就記得走咗去。
瘋狂燒白面
28 views
0 likes
0 comments
講番餸料，「燒白」其實係指五花肉🐷，亦係一道四川省成都特色菜餚，好彩餐牌有詳盡介紹。五花肉個樣令人垂涎三尺🤤，肥瘦適中，咬落去散發嘅嗰份油香不得了，達到入口即溶嘅效果，但就毫無肥膩嘅感覺，點解可以咁正？
滷水拼盤
$72
31 views
0 likes
0 comments
蒜泥青瓜，呢個小食唔駛加錢，份量唔多，剛好係一人份。🥒青瓜涼涼的，沾上蒜泥變得香口，一件接一件，好快食哂。
成都老冰粉
31 views
0 likes
0 comments
紅棗銀耳湯
16 views
0 likes
0 comments
飲品方面，我哋要咗金柑檸檬同紅肉柚子，兩杯都係凍飲，亦係要加$6，加錢嘅飲品比較吸引吧。檸檬🍋嗰杯係酸過柚子㗎。
可能呢日係星期六嘅關係，所以餐廳唔算多人。不過我相信平日一至五上班日會好爆場👏，好在座位亦都唔少。
總括嚟講，我真係諗唔到任何可以挑剔嘅地方！因為食物味道正宗兼高質😋、環境舒服、定價合理以及店員服務態度好好，對客人超友善。佢仲溫馨提示我哋要快啲食麵，驚會浸淋。不過我唔可以俾滿分💯，扣1分得99分，因為今日我原本想點嘅蒸蛋同兩款飲品都賣哂😜，哈哈講笑啫。我已經將呢間重慶瘋狂小面列入可一食再食系列！最後奉上餐廳完整餐牌以供參考🙏🏻。
Post
