大笪地火鍋 (Closed)

聖誕佳節同一班朋友最好就係打邊爐喇!呢間餐廳佈置到好似大排檔咁, 好有地道香港風味。侍應安排我地坐係角落位置, 張枱好夠大坐得好舒服。一早已經網上預訂左, 可以享用$99花膠雞湯湯底。湯底有半隻雞同好多花膠, 但湯既份量比較少, 得半鍋。係打邊爐前先飲左碗湯, 好濃味好正, 可惜再加湯之後, 湯底就變得好淡。打邊爐湯底好重要, 希望呢方面可以改善下。火鍋配料方面就唔錯, 比較特別既有芝心牛丸同蟹粉蝦餃。飲品方面有玻璃樽裝汽水, 都係$10支。埋單每人大約$300。要改善既係洗手間不足, 長期有人等緊, 搞到朋友要去附近商場搵廁所。