Video
Read full review
2013-08-04
1711 views
去到門口，由於無book位既關係都只係抱住一試無彷既心態試下walk-in食團購high-tea。門口位姐姐認真有性格，一身黑衣唔在講，問一句答一句非常cool，我見係咁都費事多口拿拿臨入去坐低食野。一坐低，第一個感覺係「嘩，嘈到嘔，好似星期日去左屋村酒樓飲茶咁！」。侍應算快手，坐低無耐就問我地飲乜。由於坐喺廚房門口，可以睇晒裏面既一舉一動，亦都見到裏面「leh咁hea」既一面，又倒瀉野又打爛杯，手忙腳亂好似打仗咁！食得$99團購，預左唔會有好似$200幾蚊果D tea set既靚靚浮誇tray，但係上枱既時候第一眼既感覺都幾失望。每一樣野都係的的色色，超級迷你！最特別既地方係佢無俾刀我，咁試問點樣食個scone呢？睇黎佢地真係好無heart，連咁基本既野都唔識！煙三文魚三文治︰味道唔錯，鹹鹹地幾香口，但係可能因為一早整好晒，放喺雪櫃太耐，麵飽既飽身索晒水氣淋到一pat野咁，要扣分！咖喱雞肉酥︰好細粒！無乜咖喱既味道，應該都係買返黎加工果D貨式，唔似係自家製既質素，不過勉強都食到D咁多咖喱餡。Scone︰Overall感覺唔錯，終於有返D食物係正常size，味道亦都幾好，食到少少牛油「
侍應算快手，坐低無耐就問我地飲乜。由於坐喺廚房門口，可以睇晒裏面既一舉一動，亦都見到裏面「leh咁hea」既一面，又倒瀉野又打爛杯，手忙腳亂好似打仗咁！
食得$99團購，預左唔會有好似$200幾蚊果D tea set既靚靚浮誇tray，但係上枱既時候第一眼既感覺都幾失望。每一樣野都係的的色色，超級迷你！最特別既地方係佢無俾刀我，咁試問點樣食個scone呢？睇黎佢地真係好無heart，連咁基本既野都唔識！
煙三文魚三文治︰味道唔錯，鹹鹹地幾香口，但係可能因為一早整好晒，放喺雪櫃太耐，麵飽既飽身索晒水氣淋到一pat野咁，要扣分！
咖喱雞肉酥︰好細粒！無乜咖喱既味道，應該都係買返黎加工果D貨式，唔似係自家製既質素，不過勉強都食到D咁多咖喱餡。
Scone︰Overall感覺唔錯，終於有返D食物係正常size，味道亦都幾好，食到少少牛油「甜甜地，但又有少少油脂」感覺，唯一唔好既係無刀for d cream！
Macaron︰以平價團購黎講算收貨。檸檬味道酸酸地之中帶少少甜味，而餅皮亦都算係鬆脆，不過始終喺雪櫃攞出黎D倒汗水令到淋左少少。
胡桃蘿蔔蛋糕︰蛋糕面有半邊合桃不特止，裏面全部都佈滿合桃粒，口感非常chunky爽口。蛋糕口感方面帶著非常正宗既合桃蛋糕既texture，sticky得黎之餘又唔會成口「lup黏黏」，正！
Mousse tart︰撻皮用左朱古力去做，可惜只係D普通到無得再普通既質素，而mousse既味道略帶少少咖啡酒味，非常特別，連埋上面既strawberry一齊一口食落去，三樣野既chemistry夾埋一齊口感唔錯！
整體感覺叫做收貨啦！食物還可以，只係軟件方面好似員工既服務態度實在需要改善。另外，環境方面實在太嘈喇，完全唔係一個適合傾計的地方，不過given只係俾$99蚊團購價錢可以有咁既質素，絕對係高性價比之選！
Post
