肯德基家鄉雞 (KFC) (Closed)

我夠膽講係香港生活既年青人，九成幾都食過老麥同kfc，但我點解有衝動為KFC寫食評？答案好簡單，係因為KFC個QC真係好差，人地麥記十年如一日，間間鋪既出品都冇差別，甚至全世界都係果種味，但KFC真係上落好大，每間鋪之間已經唔同，甚至同一間鋪唔同日子時間食都可以差天共地，運氣好買到好食既話可以堪稱美食，最差果次食過d炸雞係燶晒既都有今次推篤呢間鵝頸橋底既KFC，算係我食左咁多年泥最keep到水準既一間，味就唔駛多講啦大家都知，反而提下大家可以add下佢wechat，有時用下張電子cuopon，二人餐60蚊有找好抵，不過食太多小心熱氣丫！