Video
Read full review
2017-07-07
1276 views
尖沙咀海傍行過尖東方向有一列bar and restaurant，同男朋友行完街，漫步走過海邊，攰攰地決定坐低食野，揀左最近嘅呢間The Dog House。The Dog House主要係露天座位，但座位上面有大簷篷，就算最近日日落雨都唔怕。至於餐廳中間，係一個舞枱，已經set好晒場俾live band。坐室外亦唔怕會好熱，因為餐廳有好多把大風扇。餐廳同一貫美式餐廳相類似，食物睇相已經估到係大大份，唔少得嘅當然不少酒精飲品，亦有提供多款味道嘅shisha。我地坐低果陣係夜晚六點九，店員好好人咁特別提醒我地7點之前仲係happy hour，不過今晚不宜飲酒或飲凍野，唯有忍口。兩個人唔食得多野又乜都想試，決定點一份The Big Dog Snack Platter ($388)。Menu上面寫係for up to 4 people，所以我地都唔敢再叫其他野，叫多一份Greek Mediterranean Salad ($98)算。男朋友見我唔飲酒，自己都唔打算飲，就點左杯Virgin Colada。以為同侍應生要用英文溝通無咁好就大錯特錯，佢地全部都好貼心，主動同我地介紹不同菜式，亦特別
坐室外亦唔怕會好熱，因為餐廳有好多把大風扇。
餐廳同一貫美式餐廳相類似，食物睇相已經估到係大大份，唔少得嘅當然不少酒精飲品，亦有提供多款味道嘅shisha。我地坐低果陣係夜晚六點九，店員好好人咁特別提醒我地7點之前仲係happy hour，不過今晚不宜飲酒或飲凍野，唯有忍口。
兩個人唔食得多野又乜都想試，決定點一份The Big Dog Snack Platter ($388)。Menu上面寫係for up to 4 people，所以我地都唔敢再叫其他野，叫多一份Greek Mediterranean Salad ($98)算。男朋友見我唔飲酒，自己都唔打算飲，就點左杯Virgin Colada。
以為同侍應生要用英文溝通無咁好就大錯特錯，佢地全部都好貼心，主動同我地介紹不同菜式，亦特別同我地講會先上沙律，食完先再上熱食。
Pina Colada平時都係女生至愛，而Virgin Colada就係無酒版，似芒果沙冰，甜甜地好好飲。
Virgin Colada
21 views
0 likes
0 comments
沙律蔬菜新鮮，蕃茄仔鮮甜又凍凍地，好開胃。估唔到嘅係沙律份量亦都十足，又係可以四個人齊齊分享嘅份量。
Greek Mediterranean Salad
$98
28 views
0 likes
0 comments
之後上嘅platter，份量之大又再嚇我地一跳。Mini Burger絕對唔mini，薯條同雞翼都又肥又粗，仲有四款醬汁任君選擇。拼盤有雞翼、雞柳、魷魚圈、薯條、漢堡，仲有焗薯皮，實在十分豐富！每一樣都香脆可口，再熱氣都忍唔到口。
The Big Dog Snack Platter
$388
51 views
1 likes
0 comments
The Big Dog Snack Platter
$388
17 views
0 likes
0 comments
食食下野開始有live band，氣氛幾好之餘又唔會過嘈，亦可以點歌。呢度地方夠大，講野唔洗同live band鬥大聲，非常好。
如果中意party嘅朋友，仲可以星期五六日過黎，相信到時會變成舞池。
Post
