Rondavy's Artisan Kitchen (Closed)

之前睇過食評，知道呢度既tea set 既甜品 好值得嘗試，所以我本來都諗住係試佢地既慕斯蛋糕，不過最後因為我見原來lunch set 都有得送homemade sweets, 就即管試下lunch set啦！其實呢度既美食推介係甜品，所以我都對佢地既lunch set 無抱太大期望，誰知！又唔錯喎！我點的是煙三文魚沙律，賣相一般，但味道確實抵讚！先係沙律中的蔬菜，平時食呢一類菜都好容易食到苦味！但呢度既菜係鮮甜的~煙三文魚雖然量少，不會太鹹，味道很好，正所謂“三文魚有三文魚味”！沙律用的醋，呢個更抵讚！佢既醋應該經過好多調味，食既時候唔會淨係得醋酸味，而係有少少甜味，但又不失醋既風味！總之一句講哂，好好夾好好食！至於我朋友order 既香草汁長通粉，我試左一啖，都唔錯，醬汁好特別，係好味既！而長通粉給予的口感都ok的，不過爽口方面有進步方間！椰子慕斯蛋糕好清新！甜度適中，好好味！與餅底味道幾夾，不過餅底可以甜返啲啲，咁樣食落就唔會好似突然間苦左咁~芒果慕斯蛋糕一樣清新，芒果鮮甜，餅底帶有少許牛油香味，與整個蛋糕的味道都好夾！