梅吉涮涮鍋 (Closed)

西灣河沿海旁一帶有唔少嘅食肆，最近新開咗呢間日式火鍋店，裝修好靚，見到有幾款套餐選擇！我就揀咗最高grade嘅D餐，主打日本A5黑毛和牛 + 日本米豚肉～湯底分別揀咗梅吉鍋及日式海草美顏鍋，一人一鍋，每個湯底都會有隻冰牛牛🐮好可愛😍梅吉鍋：味道濃郁，辣辣地，有啲似喇沙嘅味道，幾惹味！日式海草美顏鍋：相對清淡啲，感覺健康啲～呢個餐嘅重點😍主打嘅北海道十勝產A5黑毛和牛，賣相好靚，油脂豐富，食落肉質非常軟綿，牛味香濃，真係好好食😋最重要係每一碟都keep到個質素，上菜速度都好快！瘋狂encore🤭 日本米豚肉，平時唔太鐘意食豚肉，但呢款豚肉，肉質軟滑，味道幾香濃，豚肉嚟講算好食～自助吧，可以拎蔬菜、海鮮、丸類及麵食，擺放得好整齊，種類都幾多我食咗聖子仔、蝦、蜆、螺、芝士丸、芫荽牛肉滑及蔬菜特別要推介下芫荽牛肉滑，平時好少見，鍾意食芫荽嘅可以試下😉飲品就以自家製爆珠飲品為主，仲有幾款罐裝汽水！我就飲咗🥭洛神花芒果爆珠及鮮蔗茅根馬蹄爆珠，味道都唔會太甜，又有爆珠增加口感～ 食飽飽，仲可以出去玩下部棉花刨冰機😂整完自己加配料，就有得食啦👐🏻