Video
Read full review
2019-08-08
2792 views
係飲食平台見到「天寶鐵板燒」呢間半新上環食肆, 就選擇黎同朋友慶生🎂 黎到蘇杭街既角落, 係漆黑神秘既門口搭LIFT去到最高既30樓🏗️一入到去, 已經見到無敵開揚靚景🖼 遠眺到對對面海🌊 既九龍站同港島半山景緻🗻 ; 舖頭有兩大台既鐵板爐頭, 計埋應該坐到15人左右。係中上環黎講座位算坐得寬敞👌晏晝MENU選擇有一人餐同唔同類型兩人餐, 價位由300一個人到1000一個人都有💵 係師傅推薦下要咗澳洲鮑魚二人前既Set dor~先上一道沙律黎開開胃, 然後阿健師傅 (抱歉, 最後都係無影到佢相📸 提多幾次佢個名補番數😂), 將海鮮盤砌好比我哋影咗相, 重點要強調隻手掌咁大隻既澳洲鮑魚🐚; 師傅熟手地將鮑魚離殼放上鐵板慢燒🔪(無生鏽) 鋒利既刀將隻鮑魚界開細份, 中心部份先行處理, 高火煎一輪🔥 後健師傅送上我地面小碟; 鮑魚在快速煎封下保持肉汁, 每一小塊咬入口咀嚼幾下再將鮮味直送胃部😋然後第二味都係鮑魚🤔 不過師傅提醒要清咗第一道既鮑魚再食; 原來今次係用牛油慢煎個鮑魚裙邊, 入口有和牛既鬆軟😯 較薄既邊身亦滲咗牛油香; 合埋眼食, 有啲似咬緊少油既和牛🐮 然後到大蝦🦐 記住食鐵板燒唔
一入到去, 已經見到無敵開揚靚景🖼 遠眺到對對面海🌊 既九龍站同港島半山景緻🗻 ; 舖頭有兩大台既鐵板爐頭, 計埋應該坐到15人左右。係中上環黎講座位算坐得寬敞👌
晏晝MENU選擇有一人餐同唔同類型兩人餐, 價位由300一個人到1000一個人都有💵 係師傅推薦下要咗澳洲鮑魚二人前既Set dor~
先上一道沙律黎開開胃, 然後阿健師傅 (抱歉, 最後都係無影到佢相📸 提多幾次佢個名補番數😂), 將海鮮盤砌好比我哋影咗相, 重點要強調隻手掌咁大隻既澳洲鮑魚🐚; 師傅熟手地將鮑魚離殼放上鐵板慢燒🔪(無生鏽) 鋒利既刀將隻鮑魚界開細份, 中心部份先行處理, 高火煎一輪🔥 後健師傅送上我地面小碟; 鮑魚在快速煎封下保持肉汁, 每一小塊咬入口咀嚼幾下再將鮮味直送胃部😋
然後第二味都係鮑魚🤔 不過師傅提醒要清咗第一道既鮑魚再食; 原來今次係用牛油慢煎個鮑魚裙邊, 入口有和牛既鬆軟😯 較薄既邊身亦滲咗牛油香; 合埋眼食, 有啲似咬緊少油既和牛🐮
然後到大蝦🦐 記住食鐵板燒唔好分心, 要細心欣賞師傅手藝👨🍳一只兩腳叉, 一把無上大快刀⚔ 三兩下手腳就將殼肉分離; 然後蝦肉熟後上枱; 大蝦不過不失, 作為過場唔錯👌
健師傅又再提場要相機準備📸 細心將錫紙兜摺起後, 放係板爐上加熱放酒🍷 比足時間我哋準備CAMERA後就點火🔥 耐何舖頭採光太正, 加咗火抗, 令火焰唔明顯; 兩隻小蜆🐚 在湯中浮游, 師傅提示要先食肉🥩 再飲湯🥣蜆肉細細隻但鮮味充足, 反而個湯汁係驚艷😍大火燒走酒精既苦澀, 每吞一啖有住鮮濃既蜆肉味同想衝上鼻腔而出既清酒香🥃
再落黎有美國牛厚薄兩燒🐂 厚牛要左五成熟; 相機又要出動, 係烙上天寶大名既麵包塾底下既牛肉粒, 將多餘既血水肉汁吸走, 少少既肥邊咬埋入口, 記住要夾埋炸蒜片一齊黎咬~
個人較FAVOUR番薄牛包葱花🥬快煎小熟既牛片包住葱花, 油膩感減低, 但保持到牛味
燒薄牛
12 views
0 likes
0 comments
唔少得個主食炒飯🍚 師傅細心位又黎，見我哋飽就提出多料少飯，最後平衡度👍
面豉湯做尾門🍲內有乾坤, 師傅選擇唔用整條昆布, 反而做成一絲絲既海帶, 質感好特別~
臨尾仲有驚喜, 除左多口味既雪糕外🍦仲有健師傅用心慢煮既黃糖多士🍞將黃糖散落係麵包上, 再用鐵板爐既餘溫將黃糖煮溶吸附番係包表; 黃糖乞人憎之處係灰會燶, 慢光唔溶, 要醖釀出佢既香, 要細心培養🤗
最後必須一提健師傅除左手勢好,亦好and 健談; 分享左天寶開舖9個月既大小事👍埋單兩位1500左右, 好奇下再拿埋晚市MENU望一望, 大約都係貴午市少少💰對比番中上環高端食肆其實抵食💹 加埋個無敵靚景, 足夠既私隱度, 天寶係中上環係一個傾密計同包場既好選擇💞
Post
