Video
Read full review
2014-04-21
4983 views
今年復活節並沒有外遊，留港消費。所以，幾日前已經睇定OPENRICE，揾定餐廳和好好先生來一個午後的約會，見到呢間新開有法國米芝蓮名廚光采所庇蔭的高級餐廳新落戶於尖沙咀。睇完大家的食評，就係幾日前打定電話訂位。仲特意詢問餐廳，假期仲有沒SET－LUNCH供應，得悉沒有問題，先放心。因為經常都有餐廳公眾假期就會取消平時超值的SET LUNCH。押上自己名字的大廚是來自法國曾奪2005米芝蓮一星的餐廳L'Etang du Moulin，首次係海外開店。睇番資料，發現"La Saison"在法文中是解釋係季節，我想餐廳以此為名意思是指大廚會按時令用食材。餐廳選址並唔係一般港𡷊區，唔知係我所知有限定係其他原因，尖沙咀金馬倫道，一路以來都極少FINE－DINING的餐廳，所以來到餐廳樓下時，發現有専用私家LIFT俾餐廳客人用時，覺得幾特別，門口風格都係偏向田園FEEL都有流水擺設等。入到餐廳，發現客人唔太多，但其實成間餐廳餐枱都唔多，環境十分舒適，而且，因為午餐的時間關係，見到落地大窗透出來的陽光，確實有遠來煩囂之感。完全唔記得自己樓下就係繁忙的尖沙咀。我地二人選用SET午餐，不過，唔果你唔鐘意
今年復活節並沒有外遊，留港消費。所以，幾日前已經睇定OPENRICE，揾定餐廳和好好先生來一個午後的約會，見到呢間新開有法國米芝蓮名廚光采所庇蔭的高級餐廳新落戶於尖沙咀。睇完大家的食評，就係幾日前打定電話訂位。仲特意詢問餐廳，假期仲有沒SET－LUNCH供應，得悉沒有問題，先放心。因為經常都有餐廳公眾假期就會取消平時超值的SET LUNCH。
押上自己名字的大廚是來自法國曾奪2005米芝蓮一星的餐廳L'Etang du Moulin，首次係海外開店。睇番資料，發現"La Saison"在法文中是解釋係季節，我想餐廳以此為名意思是指大廚會按時令用食材。餐廳選址並唔係一般港𡷊區，唔知係我所知有限定係其他原因，尖沙咀金馬倫道，一路以來都極少FINE－DINING的餐廳，所以來到餐廳樓下時，發現有専用私家LIFT俾餐廳客人用時，覺得幾特別，門口風格都係偏向田園FEEL都有流水擺設等。
入到餐廳，發現客人唔太多，但其實成間餐廳餐枱都唔多，環境十分舒適，而且，因為午餐的時間關係，見到落地大窗透出來的陽光，確實有遠來煩囂之感。完全唔記得自己樓下就係繁忙的尖沙咀。
我地二人選用SET午餐，不過，唔果你唔鐘意都可以㨂MENU其他食物，但一般的價錢就要去到＄400-＄500，而午餐2 course set$348 or 3 course set $368，所以比較起上來感覺物超所值。
還未點菜，侍應就已經送來一式三款的 Amuse Bouche，店員詳細介紹每款食品，並細心提示食用的次序， 睇番食評發現不時都會用不同的款式，賣相很靚所以掛住食唔記得影相，但味道就沒深刻的感覺。
最具驚喜反而係麵包，這裡的麵包籃送來時仲係熱， 每款麵包均外脆內軟，因為自己係麵包痴，最怕餐廳送上來係硬過石頭的麵包。但呢度麵包一定食完想再食。 牛油有兩款選擇， 原味牛油和 鹽味牛油。
頭盤：Smoke hoddock salad &apple用上黑線鱈魚，有特色，但D魚份量唔多，所以精緻？但成份食物構圖，我都覺得係畫一樣，十分靚。
P.S:自己試左一嗒，對於我呢D怕腥的人來講有D腥。
味道：7/10
Spring salad自己頭盤，牛油果很Rich很好味，其他蔬菜都算新鮮。Refresh的感覺很清新。好似為呢餐飯引領的好的開始。
味道：8/10
Monkfish fillet with iberico ham pressed of celeriac & beurre blanc對於包住魚的HAM覺得十分香口，魚的鮮咪都有但最重要係唔係腥味，清楚試到魚的鮮甜。週邊的伴菜真係廚師好有心機咁整。
味道：9/10
Braised lamb shank couscous, dried fruit &lamb jus好好先生所選羊滕，待應特別強調slowcook @60C 5-6小時而做成。所以肉質十分嫩滑。但好好先生唔鐘食提子乾，所以發現裹面有唔少時，有D唔開心，所以餐廳都唔應該好籠統咁寫 Dried fruit，可能要寫明會好D，始終有太多款dried fruit。
味道：9/10
Chocolate souffle,respberry ice cream來到最後的甜品，呷上一口十分濃的朱古力疏乎里，加上一口酸甜適中的紅苺雪糕，整餐飯十分完滿。
Macaron red fruit jam &vanilla ice cream好好先生的放大版Macaron，沒有一味的死甜，做得外脆內軟。
味道：8/10
其實以呢個價錢有呢個享受，「夫復何求」，待應態度都很細心，仲會詢問你有沒食物敏感，都算係一種service。有機會都想再來一個午後的約會。
Post
