Artisan Lounge (Closed)

Artisan Lounge開左一段時間今次都係第一次試，因為竟然發現佢喺晚餐嘅時分有啲tea set食😌 今次試呢個tea set都幾特別，係有啲日式既主題！鹹點方面既魚子醬立方都幾唔錯，魚子醬嘅鹹香同埋脆脆嘅麵包立方幾夾！照燒鱈魚塊配炸脆餅都幾特別，鱈魚嘅好滑，口感上同脆餅造成左對比，幾香口。北海道帶子配香印提子，提子既清甜竟然配上鹹點都唔錯。甜點方面，佢個日本白桃肉慕絲配梅酒果凍我自己都鍾意，因為有啲酒香，酸酸甜甜都幾開胃。紅莓北海道芝士蛋糕芝士都幾滑，細細件都唔會話好漏！另外仲有水上玄餅、日本士多啤梨千層蛋糕同和菓子等等，可以一解思鄉之愁😀仲有半熟宇治抹茶撻同兩款唔同味嘅鬆餅，所以都唔需要太擔心話夠唔夠飽嘅問題！順帶一提Artisan Lounge嘅職員都好有善而且細心，係一個好好嘅體驗😙