Freshness Burger (Closed)

逛街逛到九點幾，海港城都快要變成死城，快快趣趣買個外賣去海旁。要了和風牛肉鮮堡+芝士煙肉焗薯皮+咖啡和風牛肉鮮堡漢堡打得太碎，再溝埋醬汁，似肉醬。不過份量很多，比麵包還要大。大大塊的新鮮厚切蕃茄，清新。醬汁多多，未咬已經咇出黎。包標榜用南瓜製造，但食落同普通包一樣。最要讚的是即叫即製，隔了廿分鐘都仍然熱。芝士煙肉焗薯皮薯皮香脆；芝士醬惹味，仍然食到兩者既自身味道，再加埋煙肉粒真是好味至極! 只是芝士醬多得滯，食完喉嚨漿住左。Oragnic Latte飲唔到有咩特別，同一般咖啡一樣。或者臨近收舖既關係，員工開始hae做。黑衫的疑似阿頭本來serve我地的，後來去了廁所，期間員工只顧吹水，即使企係我地袋外賣側邊亦無意識俾我地，要等阿頭返黎我地先有得食。