BELLAVISTA

Open Now

Now Closed

有朋友約我係airside食飯，當初我都未決定食邊間，朋友一到就話已經入左空中花園呢層嘅bellavista. 好彩朋友早少少來到，因為已經坐滿人！今日天氣唔算太熱，所以室外位都坐滿晒，好彩室內位左右兩張枱。今日嘅是日精選餐湯係cauliflower soup，超級creamy，亦都唔會有草青味，調味做得幾好。泰式牛肉沙律夠新鮮，啲蔬菜全部都好清新，而牛肉亦都係半山熟，感覺超健康，咁當然啦，點埋泰式醬就好有泰國風味，辣辣地，幾吸引，如果真係太懶，就食吓啲提子都即刻可以解辣。作為肉食愛好者嘅我哋，再加點多咗半份燒烤豬肋排， feel得好好食，感覺真係好似喺外國bbq 嘅quality。我諗呢度好多人都係放工之後落嚟飲嘢，我見張張枱都有嗌嘢飲，我哋就嗌咗一杯酒精同一杯sangria 同一杯berry burlesque mocktail。sangria調配得剛剛好，有果香之餘，溝埋紅酒都好易入口，berry burlesque 亦都唔會死甜，幾清爽。