Terrace in seaside (AIRSIDE)

Open Now

Now Closed

同朋友一齊去Airside 行下新商場，見到好多可愛狗仔。行到頂層天台花園，旁邊有間餐廳，吸引咗好多人同狗仔，當然要去試下。- 輕悠時光 (Terrace in Picnic Time)Airside限定，睇Menu已經好吸引，係一個好靚既韓式Tea Set，有5 款韓國傳統糕點，同埋冷泡茶。外形好精緻，總體味道唔太甜，包括忌廉奶油菊花餅，玄米脆脆牛油紅豆餅，軟綿黃豆麻糬串，香糯紫薯米糕，海苔費南雪小蛋糕。最好食係紅豆餅，味道甜甜地，外層又香脆。- 燒醬油黑毛豬白切肉紫蘇飯白切肉肥瘦適中，唔係太油膩，可以配埋生菜食。炒飯好香，有少少泡菜味，又唔會太辣。- 清甜柑橘窩夫甜品先係重點，一早已經留肚食窩夫。窩夫比較厚身，蛋味好香，外脆內軟。上面有新鮮柑橘，Cream 同柑橘汁，味道比較清新，新鮮柑橘好好食。- 提拉米蘇外形同平時既Tiramisu 有啲分別，唔係方形，比咗啲心思上碟。Espresso 同埋 Rum 既味道好濃郁。- 濟州柑橘乳酪Signature 飲品，差唔多枱枱都有一杯，有個柑橘係上面，打卡一流。乳酪味道微酸帶甜，又有柑橘清香，同埋果蓉。- 紅豆抺茶牛乳冰紅豆和抹茶係經典組