Video
Read full review
2022-06-05
2530 views
約咗星期日去參觀 M+ 博物館，入場前先嚟圓方食個 Early Lunch。喺 Premiere Cinemas 旁邊搵到間叫「Alimente」嘅食肆。細看門外餐牌，原來餐廳主打健康營養蓋飯 同 西餐，食物選擇好豐富，而且大部份嘅菜式都好啱我哋口味，今日就一於喺呢度用餐。餐廳嘅環境好舒服，寧靜優雅，配以室內嘅植物擺設，好有渡假 feel。我哋點咗個香烤三文魚 Power Bowl ($118) 同 茴香春雞 ($128)，另外再加咗份小食：芝麻蜜糖雞翼 ($48)，每份 Set Meal 都會包一杯果茶及一份餐湯或沙律。三文魚蓋飯可以自選飯底，有白米+紅米、糙米、什錦飯或沙律可供選擇。至於用料方面，除咗粉嫩嘅香烤三文魚外，仲有牛油果、南瓜、甘筍、薯仔、粟米、紅腰豆、洋蔥絲同雞蛋，大大碗，分量十足。睇下碗 Power Bowl 嘅賣相幾吸引，色彩繽紛，再 mix 埋餐廳自家製嘅醬汁、面頭灑上嘅黑白芝麻同杏仁片，口感非常豐富，啖啖清新，夠晒醒胃！至於另一客茴香春雞味道亦唔輸蝕，雞肉烤到皮脆肉嫩，味道好香濃，而且入口仍保留豐沛肉汁，再配埋滑溜嘅薯蓉、甜美嘅車厘茄及爽脆嘅三色椒，令整個菜式生
約咗星期日去參觀 M+ 博物館，入場前先嚟圓方食個 Early Lunch。喺 Premiere Cinemas 旁邊搵到間叫「Alimente」嘅食肆。
細看門外餐牌，原來餐廳主打健康營養蓋飯 同 西餐，食物選擇好豐富，而且大部份嘅菜式都好啱我哋口味，今日就一於喺呢度用餐。
餐廳嘅環境好舒服，寧靜優雅，配以室內嘅植物擺設，好有渡假 feel。
我哋點咗個香烤三文魚 Power Bowl ($118) 同 茴香春雞 ($128)，另外再加咗份小食：芝麻蜜糖雞翼 ($48)，每份 Set Meal 都會包一杯果茶及一份餐湯或沙律。
三文魚蓋飯可以自選飯底，有白米+紅米、糙米、什錦飯或沙律可供選擇。至於用料方面，除咗粉嫩嘅香烤三文魚外，仲有牛油果、南瓜、甘筍、薯仔、粟米、紅腰豆、洋蔥絲同雞蛋，大大碗，分量十足。
睇下碗 Power Bowl 嘅賣相幾吸引，色彩繽紛，再 mix 埋餐廳自家製嘅醬汁、面頭灑上嘅黑白芝麻同杏仁片，口感非常豐富，啖啖清新，夠晒醒胃！
至於另一客茴香春雞味道亦唔輸蝕，雞肉烤到皮脆肉嫩，味道好香濃，而且入口仍保留豐沛肉汁，再配埋滑溜嘅薯蓉、甜美嘅車厘茄及爽脆嘅三色椒，令整個菜式生色不少。
雞翼一客有 5 隻，面頭灑上了黑白芝麻，食落肉質好嫩滑，入味得嚟更帶陣陣蜜糖嘅甜香，啖啖滋味，絕對值得一吃。
Post
