hōmu by favilla (Closed)

唔知大家有冇試過俾Cafe呃錢呢？我呃錢嘅意思就係食極根本都唔飽!但係嚟到呢間餐廳你就可以唔使驚，因為呢度嘅全日早餐一定夠你食，食到你飽！佢嘅全日早餐兩面包括左黑松露炒滑蛋，煙三文魚片，蘋果豬肉腸，脆香煙肉，薯仔沙律，茄汁焗豆，甜粟米，牛角包🥐！係咪就咁睇已經覺得好豐富呢！賣相都非常精緻㗎。我自己最鍾意就係佢嘅茄汁焗豆同牛角包，我成日將佢哋夾埋一齊嚟食🤭另外佢個黑松露炒蛋，真係香松露味！蝦頭油忌廉汁蜆肉扁意粉都好多人叫㗎 ！我見到隔籬枱食得津津有味，所以我都要左一份😬估唔到真係咁正㗎。上枱嘅時候聞已經流晒口水🤭識落就更加覺得一級棒👍🏻情不自禁地，豎起一個手指公❤️因為真係非常掛汁勁好味🙌🏻