心一 · 影

Open Now

Now Closed

間中想獎勵下自己，發掘到啲靚餐廳兩個人一千有找，都有類似omakase嘅套餐，性價比好高。酒漬鮑魚好大隻，質地軟滑，略嫌酒味唔夠濃，只有淡淡酒香。三文魚、鯛魚同赤蝦作為套餐刺身都好厚切，有加分，三款都好新鮮，尤其鐘意三文魚好肥美，赤蝦爽甜。雜錦魚生他他同刺身新鮮度一樣，有光澤有彈性，有少少紫蘇花提味。和牛壽喜燒小鍋有齊壽喜燒必備嘅配料，兩大片和牛肉質都唔錯，如果醬汁再濃味啲就更好。前菜拼盤擺盤好靚，炸蟹肉可樂餅熱辣辣外脆內軟，配清新嘅青椒仔係神來之筆。 合桃小女子份量俾得好慷慨，合核同魚仔都炒得脆身好香口，甜甜地餸酒一流。 鮟鱇魚肝醬多士搽薄薄一層已經好濃味，咸香惹味。 燒鱈魚片脆到好似薯片咁，魚香十足點沙津醬好好味。串燒非常出色，雞翼外脆內嫩，肉汁爆棚到滴出黎，簡單鹽燒已經好美味，媲美日本專門串燒店。 汁燒茄子甜甜地，加少少櫻花蝦好香口，紫洋蔥爽脆清甜。炭燒 A4 伊藤和牛表面燒得焦香，內裡嫩紅。 估唔到嘅係A4原來已經好甘香，油香同肉汁爆哂出黎，係今晚我最鐘意嘅一道菜，物有所值。