The Flying Pan (Closed)

遠係讀書年代，就已經幫襯中環呢間flying pan，貪佢開廿四，飲完野無車番屋企有個地方坐，而且唔止老麥咁少選擇，大大碟咩都有。呢日預約左參觀大館，未夠參觀時間就醫下肚先，橫掂全日都係呢一帶活動，左諗右諗不如食flying pan。每次入黎都有選擇困難，因為樣樣都好想食，最後二人叫左個奄列（煙三文魚，cream cheese，蕃茄同洋蔥）多士轉pancake sides 揀左薯仔同栗米粥。個碟本身好大個，個奄列就有成半個碟咁大，而且好足料，啖啖三文魚，配cream cheese太邪惡以前食pancake係兩小塊咁，而家就一個中型碟分開放，呢件pancake有少少散，但是加左牛油同蜜糖依靠好味除左個奄列，仲叫左grilled cheese sandwiches配mushroom，其實佢有好多野可以配，不過烘過嘅厚多士配濃厚嘅芝士再加簡單嘅磨菇，已經非常美味。餐牌話佢加左五種芝士，加上juicy嘅磨菇，其實最簡單嘅野就最易令人滿足。今次再光顧都無令人失望呀。