Video
Read full review
2014-11-18
2114 views
溫書日，都要補充能量！赤柱呢間餐廳未試過早餐，今日就去試下，外面睇好特別，好似古堡石牆，要落地牢，環境幽暗，可能切合返cave 山洞嘅主題！地方窄長，都以大石石牆裝飾，桌椅簡潔乾淨，肥髀堅持要坐面壁高櫈（貪得意），自助形式，食物以西式為主，咖啡、麵包、沙律選擇好多，餐牌圖文並茂，方便！要先去收銀落單，再坐低等店員送食物，呢樣幾好！唔使客人走兩次，我叫一個all day breakfast同肥髀分享，餐飲叫熱Mocha,仲加了一個牛角包、一支pink lemonade,收銀店員識講廣東話，因為之前只有英文人，會先比我牛角包、Mocha咖啡！坐低食住麵包咖啡先！牛角包--有兩款牛角包，我揀了original!外層好鬆脆，一掂就變碎屑，外脆內軟，唔係即焗但好香，好味！熱Mocha--用瓦杯，拉花靚，飲一啖唔係好熱（可以即飲）朱古力味唔重，咖啡香易入口，如果可以熱啲就更好！All day breakfast--要等15分鐘，由店員送上，托盤係金屬嘅，幾形格，份量大，4塊火腿，唔會好咸，3條香腸，唔同尺碼，最細條嘅最濃，肉比較實，其他兩條腸衣易咬，3條都唔乾有肉汁！雞蛋只係好普通嘅煎雙蛋，形狀係
牛角包--有兩款牛角包，我揀了original!外層好鬆脆，一掂就變碎屑，外脆內軟，唔係即焗但好香，好味！
熱Mocha--用瓦杯，拉花靚，飲一啖唔係好熱（可以即飲）朱古力味唔重，咖啡香易入口，如果可以熱啲就更好！
All day breakfast--要等15分鐘，由店員送上，托盤係金屬嘅，幾形格，份量大，4塊火腿，唔會好咸，3條香腸，唔同尺碼，最細條嘅最濃，肉比較實，其他兩條腸衣易咬，3條都唔乾有肉汁！雞蛋只係好普通嘅煎雙蛋，形狀係圓形，蛋白熟晒（好怕連蛋白都未熟）幾片炸煙肉，好脆（硬？）咸咸香香，比肥髀搶晒，煎蕃茄，上面有芝士碎，切開多汁juicy，蕃茄肉爽口，酸酸地開胃！薯角，炒話，表面微燶！好香！牛角包original,本來唸住同肥髀一人一個牛角包，但原來好飽食唔到，攞個紙袋外賣！
pink Lemonade--食到一半先比肥髀買（唔係佢會唔食，為了飲晒樽飲料）我叫佢自己去比錢，收銀小姐都好好笑容對佢，粉紅色好靚，味道酸酸甜甜，開胃！
店員好有禮，解釋同落單都好笑容，店員識講廣東話好幫手！落好單會連埋餐具紙巾比埋我！我叫肥髀去櫃枱買飲料同攞紙袋，都好nice!食咗餐好滿足嘅早餐！
Post
