慶記 (Closed)

慶記我都算幫襯得多，因為係屋企附近。最中意佢既小籠包！皮薄唔易穿，每隻都多湯水，口感非常好！必食！！另外醉雞卷都好好食，雞身實正夠味，好易入口，酒味唔算好勁，唔中意酒味既朋友都話好食。除左以上兩樣次次都點，今次試下山煎包，感覺就係小籠包既煎包版本，岩岩出爐個包入面既湯好燙口，建議等幾分鐘先食。另外仲叫左紅燒豬軟骨慶麵，為左飽肚先叫，但就其實無話特別吸引，總體來講都算抵食，兩個女人食每人65蚊dinner，免加一服務費。坦白講，如果收加一未必成日去，因為staff態度好一般，拎多隻碗仔都嫌煩，同埋次次去都覺得佢地無乜表情～