Running 燒 (Closed)

開始健身之後都不斷諗有咩餐廳可以大量吸收蛋白質，韓燒係一個唔錯嘅選擇。我今次平日晚市$278一位。一入到去各位姐姐都非常熱情，好快幫我哋set好個爐仲俾咗個蘿蔔我哋。一開頭以為個蘿蔔係食嘅點知原來係用嚟清潔個爐。 都算係大開眼界完全唔知道蘿蔔有咁嘅功能🤣醬料呢度係自己拎嘅幾推薦佢嘅甜酸烤肉醬。亦都有多款多款汽水選擇。我唔係好飲酒所以就冇拎到。一開頭叫咗牛五花，西冷牛肉片同西施牛肉片。 個人唔太鍾意食肥牛，反而鍾意多啲肉嘅西冷牛肉片。 作為健身人士一定係食雞肉， 叫咗多款唔同種類嘅雞肉。 佢有唔同嘅調味醬料我自己覺得辣味係最好食嘅。食到有啲制之後帶咗碗阿豬媽靚湯，其實係紅蘿蔔湯嚟嘅，清清地幾好。亦有叫到啲泡菜同生菜包肉食，食落冇咁油膩。自己唔食煎炸野但朋友叫咗炸雞同魷魚鬚，佢話都幾好食。最後有支雪條，芒果味雪條幾吸引，佢仲有其他melon牌嘅韓國雪條。成餐都食到好飽。