Video
Read full review
2017-06-14
322 views
上個月去過麥田廚房銅鑼灣店，覺得佢地既海派俄式食物非常ok，行過見到中環開分店，openrice評價又高，就忍唔住想去試下。Lunch time 去，叫左一個海派牛腩羅宋湯+上海麵，只係58蚊，味道份量真心覺得唔錯。羅宋湯十分足料，同上海麵非常夾。仲有Linguini 同拉麵等等既邪惡澱粉選擇，同平時就咁羅宋湯跟麵包既食法比，別有一番滋味。可惜。。。我12點15分去到，20分左右叫餐，之後around 25分左右因為人多，所以叫左我調位。調左位之後問題接踵而來… 1) 首先漏單: 差唔多去到12點50分我發覺身邊既人遲過我入都已經攞晒野食，就問下佢咩情況。噢，原來無入到。2) 出錯單: 之後員工多次沙冧即時跟進，結果around 1點05分左右佢終於出左菜，但佢出左另一味菜(俄式清湯麵)3) 再漏單: 同佢表明左個清湯麵唔係我既，佢幫我再跟進，但到左1點20分都無，我同侍應姐姐你眼望我眼，佢再埋黎問我"係咪食左啦" 我當然話無啦，之後侍應就去左同收銀哥哥嘈啦。。。最後侍應姐姐係無通知我既情況下將我既order 變左外賣，之後另一位侍應哥哥走埋黎同我講，話知道我趕時間所以俾我外賣攞走(我
Lunch time 去，叫左一個海派牛腩羅宋湯+上海麵，只係58蚊，味道份量真心覺得唔錯。羅宋湯十分足料，同上海麵非常夾。仲有Linguini 同拉麵等等既邪惡澱粉選擇，同平時就咁羅宋湯跟麵包既食法比，別有一番滋味。
可惜。。。我12點15分去到，20分左右叫餐，之後around 25分左右因為人多，所以叫左我調位。調左位之後問題接踵而來…
1) 首先漏單: 差唔多去到12點50分我發覺身邊既人遲過我入都已經攞晒野食，就問下佢咩情況。噢，原來無入到。
2) 出錯單: 之後員工多次沙冧即時跟進，結果around 1點05分左右佢終於出左菜，但佢出左另一味菜(俄式清湯麵)
3) 再漏單: 同佢表明左個清湯麵唔係我既，佢幫我再跟進，但到左1點20分都無，我同侍應姐姐你眼望我眼，佢再埋黎問我"係咪食左啦" 我當然話無啦，之後侍應就去左同收銀哥哥嘈啦。。。
最後侍應姐姐係無通知我既情況下將我既order 變左外賣，之後另一位侍應哥哥走埋黎同我講，話知道我趕時間所以俾我外賣攞走(我從來無講過話我趕時間呀如果唔係都唔會坐係度成粒鐘啦! 不過我明白出面仲有人排隊等位坐，我咁坐係度打等都唔係辦法)。侍應姐姐再過黎同我講話唔收我錢，但我最後都係去左收銀俾足錢走人。
其實講到尾，食物真係唔錯(如果唔係都唔會咁長篇大論係度review)，但如果因為管理同溝通既問題搞到食客唔高興，咁真係幾可惜既一件事。
anyways, 有機會都想試下個紅菜頭湯...
海派牛腩羅宋湯 + 上海麵
$58
63 views
1 likes
0 comments
Post
