Video
Read full review
2022-07-02
341 views
為咗慶祝今年過咗一半，尋日放學同朋友去咗西貢蒲。我地去咗呢間食の劇場食晚餐，我叫咗Set B廚師發板 (1680+10%)。佢叫咗Set D 雲，一樣咁豐富。之後可以去佢到睇，不過佢勁慢。🚰 白神山地の水 店員拎咗枝白神山地の水（世界遺產），顯示出呢到對食物好認真，連水都咁一絲不苟。啲伏流之水係由日本青森縣運落嚟，係經過沙石沖刷嘅山水。我一開始心諗水咪水有乜咁特別，但一飲又真係好軟。🍽 餐具除咗食物，啲餐碟都好靚。佢地仲有鋪枱嘅係人手造嘅和紙，每一張都唔同。店員話我地識貨，以為我哋讀藝術，最後俾咗幾張我哋拎返屋企。🍅 前菜磯粒貝：味道甜甜，又爽口。蓮藕饅頭：用蓮藕蓉做嘅丸好特別，個面有蟹肉汁。鮑魚：昆布漬，好味又彈牙。白子：鯛魚精夠creamy，仲有酸汁蘿蔔蓉。養顏。蕃茄：水果蕃茄特別清甜同爽脆，仲有啲紫蘇汁嘅味道，好refresh同juicy。🐠 刺身毛蟹：就咁食同點土佐醋啫喱/ 蟹膏，三種食法都好食。平目魚：薄切左口魚包住啲肥美嘅魚邊，點酸汁好正。牡丹蝦：我最中意食蝦，爽脆甘甜。中拖羅：甘香，魚油啱啱好，切得好厚。大拖羅：顏色粉紅，脂肪精華十分香濃，肥美入口即溶。蠔：係岩手縣赤橋嘅
🚰 白神山地の水
店員拎咗枝白神山地の水（世界遺產），顯示出呢到對食物好認真，連水都咁一絲不苟。啲伏流之水係由日本青森縣運落嚟，係經過沙石沖刷嘅山水。我一開始心諗水咪水有乜咁特別，但一飲又真係好軟。
🍽 餐具
除咗食物，啲餐碟都好靚。佢地仲有鋪枱嘅係人手造嘅和紙，每一張都唔同。店員話我地識貨，以為我哋讀藝術，最後俾咗幾張我哋拎返屋企。
🍅 前菜
磯粒貝：味道甜甜，又爽口。
蓮藕饅頭：用蓮藕蓉做嘅丸好特別，個面有蟹肉汁。
鮑魚：昆布漬，好味又彈牙。
白子：鯛魚精夠creamy，仲有酸汁蘿蔔蓉。養顏。
蕃茄：水果蕃茄特別清甜同爽脆，仲有啲紫蘇汁嘅味道，好refresh同juicy。
🐠 刺身
毛蟹：就咁食同點土佐醋啫喱/ 蟹膏，三種食法都好食。
平目魚：薄切左口魚包住啲肥美嘅魚邊，點酸汁好正。
牡丹蝦：我最中意食蝦，爽脆甘甜。
中拖羅：甘香，魚油啱啱好，切得好厚。
大拖羅：顏色粉紅，脂肪精華十分香濃，肥美入口即溶。
蠔：係岩手縣赤橋嘅真蠔，食落夠creamy同時又爽脆。
🍤 炸物
天婦羅！有松葉蟹蟹腳，青檸加埋淡淡嘅蟹味，滋味。跟住有蕃薯，先蒸再炸令糖分更出、外脆內軟。仲有舞茸菇、青椒，蔬菜新鮮，點蝦鹽更提鮮。
🍣 壽司
北海道帶子：加咗青檸汁同竹炭鹽，新鮮。
魴鮄魚：透白肉質，鮮甜嫩滑。
深海池魚：充滿油份。
北寄貝： 甜同爽口。
赤身：醬油漬好入味，個頂仲加咗魚子醬。
海膽：係北海道赤海膽，好清甜。加咗樽魚子同柚子（勁香！）胡椒，好豐富。
和牛他他：好多肉好滿足！
🥣 湯
用咗白神山地の水煮，用大量嘅魚骨熬製，非常鮮甜好多骨膠原。個湯好清甜，仲有京都立魚。
🍮 甜品
京都豆乳布甸：好滑，豆腐味清清地作結幾好。
靜岡蜜瓜：點解日本蜜瓜可以咁甜？
廁所係自動馬桶！
Post
