皇轎印度餐廳 (Moved) New Location

最近幾個月開始，我發現自己愛上香味濃郁的印度菜，特別是這間其貌不揚但頗有情調的印度餐廳，每個月必定至少光顧一次。上個週日夜晚，同男朋友不約而同霖到尼間餐廳，於是又來到這裡。餐廳不大，但環境清淨舒適。我們一共點了3個咖喱，配上蒜蓉包和印度黃飯。一個係特辣雞肉咖喱Murgh Vindaloo,是最辣的一種咖哩。咖喱顏色鮮紅，入口一陣香辣味湧上味蕾，真係無限刺激。我個人無辣不歡，次次來到都會點這款咖喱。第二個係garlic prawn, 要特別推薦這款。名字上以為會蒜蓉味很重，原來食起反而有陣香甜味，滋味可口。蝦球大隻、口感爽滑，非常好味。第三個係美國豆channa Masala, masala係最常見咖喱之一，豆蓉配上咖喱，口感很好。另外特別推薦羊肉炒飯（今次冇點）mutton biryani,試過就知，香港至今食過最好味葛。