Urban United Burger & Bar (Closed)

又同好友聚一聚！唔想出九龍？元朗係一個好地方今日經過呢間小店，外面望入去，覺得裏面嗰個裝修好有特色。坐低左！環境感覺好舒服，雖然店舖細細，但係樓底夠高！ 仲有兩面玻璃， 其中一面望住個公園好開揚。既然餐廳名都叫得burger就梗係要叫返個漢堡包啦！ 大蘑菇+漢堡扒， 呢個配搭我第一次食！ 我一向少醬，專登叫姐姐分開啲醬上！ 一啖咬落個包度，蘑菇軟淋淋質感， 漢堡扒實實在在嘅牛肉味， 原來呢個配搭好好食㗎喎， 加埋好大片嘅生菜， 番茄， 生洋蔥，芝士， 同埋少少醬！ 係幾好食嘅美式漢堡。 要讚一讚個薯條， 係美式嗰種連埋薯皮一齊炸嘅，薯條夠厚身又香口！另外叫咗一個虎蝦羅勒葉蕃茄意大利粉， 上枱嘅時候，意大利粉好靚！好香燒蝦味同埋羅勒葉香味。 食落， 有濃濃番茄醬味！ 整體味道偏濃， 我朋友好鍾意。 我就最鍾意嗰隻蝦， 一食落去個肉質地係 爽同實嘅！另外叫咗兩杯果茶， 味道唔太甜，淡淡的果味，fresh! 一路食薯條一路飲感覺好夾呢度happy hour有手工beer… 绝對可以再嚟試下同hea下！