Video
Read full review
2010-06-10
2 views
女朋友盛讚的一間餐廳…我們差唔多7點到，但係已經無普通枱位，侍應本來俾我地坐 bar 枱，但係我眼角望到角落頭有位女士差唔多食完，就同個侍應示意想等個張，侍應話okay，然後俾左張飛我地同埋請我地出外面等。等下等下，我突然發現個張枱俾人坐左，咁我就入去諗住問下啦，點知有個中年女性侍應就好唔客氣咁趕左我出去，當我想解釋話我其實係等緊個張枱，佢就已經急不及待咁話：「我地仲有其他位！都未論到你！你要出返去等！」我真係想講, "For the sake of X, could you listen!?" 成個過程我覺得個位女士根本就無聽到我講野，淨係想趕我出去！最後都有位，就坐係我本來想要個張枱隔黎…我諗係俾人先一步換左枱喇…受飽氣，食乜都無味！講返食物：生熟牛肉粉：可能心情有影響，普通啦…無女朋友講到咁好味。另一種牛肉粉：唔記得叫乜名，係個menu既底部，女朋友話唔好食。軟殼蟹卷：好味，但係可能其他料太濕，好快就唔脆。釀魷魚：叫錯左，因為完全啖啖肉，係可以送到飯既啖啖肉！但係最後先上，見到已經飽左。總評：味道：okay 啦！環境：人太多，好迫！服務：真係一個個，我見大部分其他侍應都好好態度。
我們差唔多7點到，但係已經無普通枱位，侍應本來俾我地坐 bar 枱，但係我眼角望到角落頭有位女士差唔多食完，就同個侍應示意想等個張，侍應話okay，然後俾左張飛我地同埋請我地出外面等。
等下等下，我突然發現個張枱俾人坐左，咁我就入去諗住問下啦，點知有個中年女性侍應就好唔客氣咁趕左我出去，當我想解釋話我其實係等緊個張枱，佢就已經急不及待咁話：「我地仲有其他位！都未論到你！你要出返去等！」我真係想講, "For the sake of X, could you listen!?" 成個過程我覺得個位女士根本就無聽到我講野，淨係想趕我出去！
最後都有位，就坐係我本來想要個張枱隔黎…我諗係俾人先一步換左枱喇…
受飽氣，食乜都無味！
講返食物：
生熟牛肉粉：可能心情有影響，普通啦…無女朋友講到咁好味。
另一種牛肉粉：唔記得叫乜名，係個menu既底部，女朋友話唔好食。
軟殼蟹卷：好味，但係可能其他料太濕，好快就唔脆。
釀魷魚：叫錯左，因為完全啖啖肉，係可以送到飯既啖啖肉！但係最後先上，見到已經飽左。
總評：
味道：okay 啦！
環境：人太多，好迫！
服務：真係一個個，我見大部分其他侍應都好好態度。
衛生：無留意，應該okay既！
抵食：中環咁既價錢，okay 啦！但係我會期望服務再好d lor。
Post