點茶館

Open Now

Now Closed

同朋友去APM行街，之後就上咗美食廣場嗰度休息。突然間好想食一啲中式點心，於是就揀咗呢間餐廳。餐牌有單點嘅荷葉蒸飯，傳統嘅鳳爪排骨飯之外，仲有其他唔同嘅驚喜選擇。今次見到北海道溫泉蛋馬蹄牛肉飯、豉汁白鱔飯、櫻花蝦蝦膏腩片飯、五目素飯，仲有仲有蟲草花雲耳雞件飯。仲有用蒸籠嘅中式點心，分大中小特點。除咗散叫之外仲有套餐，荷葉蒸飯＋點心＋精選茗茶，先至$68。荷葉蒸飯同埋點心都可以五選一，有得揀幾開心。我哋就叫咗兩個套餐，除咗傳統鳳爪排骨飯之外，當然少不了牛肉啦，因為我鍾意食牛肉。我哋就叫咗北海道溫泉蛋馬蹄牛肉飯。點心就一籠鳳爪、另一籠燒賣。額外再叫咗個點心拼盤。食物質素同一般酒樓差唔多，燒賣大大粒好好食、鳳爪整得幾好多汁，味道好好。 荷葉蒸飯食得出有荷葉味道，蒸飯嘅份量好足料，鍾意嗰個牛肉飯上面嘅溫泉蛋，食落有一種日系fusion中式菜嘅感覺。馬蹄牛肉大大份抵食。點心拼盤方面，欣賞佢個雲吞整得脆脆，入邊真係有新鮮蝦，整體味道OK好食。如果唔夠時間飲茶，但係又想食中式嘅蒸飯同埋點心嚟呢度就啱啦！因為抵食又唔會等太耐。慳時間嘅選擇。