點茶館

Open Now

Now Closed

點茶館今日針灸完去行觀塘apm商場，行到2樓見到美食廣場，有好多間野食揀，最後揀咗「點茶館」，見到佢哋有個套餐幾抵食，$68有飯（自選荷葉飯五選一）+一籠點心（自選點心五選一），一於買嚟試一試睇下掂唔掂啦！1.北海道溫泉蛋馬蹄牛肉飯+山竹牛肉球（3粒）$68（8.5/10）呢個北海道溫泉蛋馬蹄牛肉飯個飯有少少濕，飯有少少唔靚，牛肉軟淋唔鞋，但食唔到馬蹄粒，以為會好爽有口感，至於溫泉蛋朋友唔食，我就代佢食，溫泉蛋蛋味香濃，唔錯！山竹牛肉一共有三粒，牛肉口感實淨，腐竹皮唔算多，如果牛肉球加入馬蹄粒就口感更好！2.鳳爪排骨飯+豉汁蒸鳳爪$68（9/10）呢個鳳爪排骨飯個飯有少少濕，飯有少少唔靚，排骨大約都有5舊，鳳爪都有2隻，但係排骨骨大肉小，鳳爪好入味，整體唔錯！豉汁蒸鳳爪一共有5隻，每一隻鳳爪都好入味，用咗幾多豆豉蒸，食完鳳爪仲發現鳳爪下面有唔少花生，花生索哂d汁，淋淋地唔咸幾好味！3.蟲草花雲耳雞件飯+香菇燒賣（3粒）$68（8.5/10）呢個蟲草花雲耳雞件飯個飯有少少濕，飯有少少唔靚，雞件大約5舊，雞肉肉質算嫩滑，至於蟲草花同雲耳好一般！香菇燒賣一共有3粒，每粒燒賣都大大粒，入面好飽