Video
Read full review
2022-01-13
750 views
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴自家製意大利幼麵伴芝士濃汁配黑松露, 暖心雞蛋黃, 焗榛子果仁（$338)散發住超濃郁嘅松露同蛋香味😛幼麵非常之掛汁，基本上食完之後，都忍唔住攞叉再刮碟上食剩嘅汁😹份量嚟講，兩個人分會好過一個人食晒，因為都比較膩。烤深海鱸魚配龍蝦汁，焗忌廉馬鈴薯，鵝肝，松露及茴香薯泥（$498)我地平時出街食飯，唔會刻意叫魚食。主要係因為係有其他肉類選擇嘅情況，我地都唔太想叫魚😗但今次食前做功課，見好多人推介就點嚟試下。我地就覺得有少少言過其實，但唔會話難食，不過不失。石燒和牛西冷伴炸蒜片配三色汁 (洋葱大蒜汁/ 酸醬油/山椒胡椒汁）（$758)上枱個陣會成個石爐上，食就將個和牛放上去爐到燒下，過下鋪烤肉癮😹呢招醒，顧客玩得開心，有Gimmick 😜舊肉燒得好唔好食都係個客嘅事🤫不過一分錢一分貨，啲牛肉真係唔差嘅，我地覺得就算唔配啲汁，以佢本身嘅黑椒，已經好好食👍成set $758有9塊肉，每啖$80幾，金錢嘅味道都佔一定比例🤪薄切龍蝦, 檸檬皮薄餅配龍蝦醬（$398)呢個pizza唔同平時食開個啲厚餅底，而係薄簿嘅餅咁。但依然覺得幾好食，啖啖嘅龍蝦肉，仲有啲
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
🍴美食資訊🍴
自家製意大利幼麵伴芝士濃汁配黑松露, 暖心雞蛋黃, 焗榛子果仁（$338)
散發住超濃郁嘅松露同蛋香味😛幼麵非常之掛汁，基本上食完之後，都忍唔住攞叉再刮碟上食剩嘅汁😹份量嚟講，兩個人分會好過一個人食晒，因為都比較膩。
烤深海鱸魚配龍蝦汁，焗忌廉馬鈴薯，鵝肝，松露及茴香薯泥（$498)
我地平時出街食飯，唔會刻意叫魚食。主要係因為係有其他肉類選擇嘅情況，我地都唔太想叫魚😗但今次食前做功課，見好多人推介就點嚟試下。
我地就覺得有少少言過其實，但唔會話難食，不過不失。
石燒和牛西冷伴炸蒜片配三色汁 (洋葱大蒜汁/ 酸醬油/山椒胡椒汁）（$758)
上枱個陣會成個石爐上，食就將個和牛放上去爐到燒下，過下鋪烤肉癮😹呢招醒，顧客玩得開心，有Gimmick 😜舊肉燒得好唔好食都係個客嘅事🤫
不過一分錢一分貨，啲牛肉真係唔差嘅，我地覺得就算唔配啲汁，以佢本身嘅黑椒，已經好好食👍成set $758有9塊肉，每啖$80幾，金錢嘅味道都佔一定比例🤪
薄切龍蝦, 檸檬皮薄餅配龍蝦醬（$398)
呢個pizza唔同平時食開個啲厚餅底，而係薄簿嘅餅咁。但依然覺得幾好食，啖啖嘅龍蝦肉，仲有啲檸檬味，酸酸地咁好開胃，仲有啲龍蝦醬做基地，推薦一試👍
自家製意大利芝士蛋糕（$168)
呢個係意外地好食！！！好食！好食！好食！😛😛外型亦都好特別，佢就好似個出奇蛋咁，一個朱古力蛋殼包住啲Tiramisu 🤯而個Tiramisu 整到好似cream咁而唔係蛋糕咁款，但居然意外地超級正！咖啡嘅香滑，甜度又啱啱好，甜品必點！
Grape Effect($128)
提子味嘅梳打水，不過不失。
Apple Crisp($128)
呢個就肉公主覺得酸啲，同似藥水味，不過我覺得ok😂見仁見智了，都好飲的。
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
👑評分
味道：4/5
環境：5/5
價錢：5/5
份量：4/5
服務：4/5
會否推薦：會
餐廳嘅服務，裝修，氣氛，景觀都係一流👍有呢啲賣點係到，價錢都一定相應提高。但搭埋食物嘅話，其實真係物有所值。非常適合重要日子，同另一半去食👍留意返，如果指明要坐window seat嘅話，每人最低消費係要$1500 🧐
📝不過個人覺得，呢啲位同隔離枱排得太密，真係大聲少少講嘢隔離都聽到，反而坐上少少，雖然唔係最前排做窗邊第一線，但係因為高嘅關係，食飯睇景都係俯視全場咁，座位又鬆動，反而覺得舒服好多
餐廳樓上其實仲有一個Sky Bar，上去行左轉睇下環境，感覺都應該唔差，有機會可以試下🍻
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
Post