幸福班戟 (K11 Musea) (Closed)

話說今日得我自己收早，👦🏻要今晚先放工，一個人就諗住去食下港女野同行下街🛍所以去左K11 musea行下，然後就去左排Happy pancake 食下成日心思思既梳乎厘pancakes🥞.成日次次食梳乎厘pancake都揀甜既，加上通常啲pancake店鹹款都做薄pancake,而依間係做返梳乎厘款既，所以就一於試試新野～我大約3:45去到，前面有兩枱，等左大概半個鐘有得入座，落單後再等左十零分鐘左右有得食。.🔸三文魚牛油果芝士慕絲班戟$108 上碟第一個反應係，嗯都真係幾細碟🙈.沙律菜同三文魚都幾新鮮，不過沙律菜既醬就略嫌太少，基本上只有面頭一兩片有沾到佢個醬。反而三文魚面就有🙈芝士慕絲其實係球滑滑既cream cheese黎，芝士控都幾鐘意既，同埋配pancake就會無咁乾。.講返主角pancake，依個pancake係全麥梳乎厘pancake, 加左小麥既pancake口感乾啲，無咩空氣感同濕潤感，仲有少少嚡口🥺🥺我感覺似係食緊一件麥既海綿蛋糕咁🙈實在...有點失望啊😥.🔸焙煎茶latte $68Hojicha的味道算香，但有點太甜了...甜味有一點蓋過了焙茶的香味，有點可惜啊。