Video
Read full review
2013-06-16
66 views
有幸獲邀出席試食東海堂首間 arome Bake & Drink 概念店，在此感謝有關方面嘅邀請和安排。顧名思義，「BAKE」就係東海堂概念店內限定嘅即製麵包，而「DRINK」就更加係東海堂全港首間設有即製日式飲品的店舖，估唔到東海堂有自家製飲品推出。另外今次我哋亦可以一睹全新「真夏の果實」cake little 系列，真係又驚喜又期待。 首間 arome Bake & Drink 位於淘大商場地下，九龍灣地鐵站出口不用五分鐘便可到達，地點十分方便，當日適逢七時收工晚飯時段，店舖內更加係人流不絕。即製日式飲品有多款系列，包括「北海道 3.6 牛乳抹茶系列」，「炭燒咖啡系列」，「奶茶系列」，「北海道 3.6 牛乳朱古力系列」，「冰沙系列」及「特色系列」，真係各具特式。而大部份飲品都有凍飲或熱飲嘅選擇，飲品只是 $10 至 $22，價錢大眾化，經濟實惠。其中重點推介嘅有「十勝紅豆抹茶」、「寒天青森蘋果汁」、「布丁奶茶」、「黑糖水晶炭燒咖啡」及「Oreo 曲奇冰沙」。 十勝紅豆抹茶 (Matcha Latte with Tokachi Red Bean) 熱 $16，凍 $18抹茶同紅豆係老
首間 arome Bake & Drink 位於淘大商場地下，九龍灣地鐵站出口不用五分鐘便可到達，地點十分方便，當日適逢七時收工晚飯時段，店舖內更加係人流不絕。
即製日式飲品有多款系列，包括「北海道 3.6 牛乳抹茶系列」，「炭燒咖啡系列」，「奶茶系列」，「北海道 3.6 牛乳朱古力系列」，「冰沙系列」及「特色系列」，真係各具特式。而大部份飲品都有凍飲或熱飲嘅選擇，飲品只是 $10 至 $22，價錢大眾化，經濟實惠。其中重點推介嘅有「十勝紅豆抹茶」、「寒天青森蘋果汁」、「布丁奶茶」、「黑糖水晶炭燒咖啡」及「Oreo 曲奇冰沙」。十勝紅豆抹茶 (Matcha Latte with Tokachi Red Bean) 熱 $16，凍 $18
抹茶同紅豆係老友記，抹茶以北海道 3.6 牛乳精心調配，香濃幼滑，配上大大粒飽滿嘅十勝紅豆，清甜味道中帶抹茶香，啱晒喜歡抹茶嘅朋友。
寒天青森蘋果汁 (凍 $18)
炎炎夏日嘅推介，選用青森縣嘅清甜蘋果汁，加入纖維量高達 70%嘅日本寒天，食落很軟滑，口味清新，係健康之選。
布丁奶茶 (Milk Tea with Pudding) 熱 $16，凍 $18甜品加奶茶真係很特別，自家調配的奶茶口感幼滑，茶味香濃，配合軟滑布丁，就好似食布丁加花奶咁。
黑糖水晶炭燒咖啡 (Suniyaki Coffee with Brown Sugar Jelly Cube) 熱 $16，凍 $18
一聽到炭燒咖啡就令我諗起以前食過嘅雪糕，哈哈。炭燒咖啡芳香甘醇，配上晶瑩爽口的黑糖水晶，創造出極緻香醇的獨特風味。
Oreo 曲奇冰沙 (Oreo Cookies Smoothies) 凍 $22
大人小朋友都鍾意食嘅香濃嘅 Oreo 朱古力曲奇脆脆加入碎冰，打成幼滑冰沙，一飲就涼透心，我都即場飲咗杯呢！
arome Bake & Drink 概念店亦都係在店舖內有烘焙設備，供應即焗新鮮麵包，店內更列明出爐時間表，方便客人可以第一時間等待出爐麵包。而今日我哋就試咗幾款即焗麵包，果然特別鬆軟美味。
其中有芝味十足嘅粒粒芝士包 (Chunky Cheese Bread，$10 / 半個，$19 / 全個)，有滿佈提子嘅健康沖繩黑糖提子包 (Okinawa Brown Sugar Walnut & Raisin Bread，$10 / 半個，$19 / 全個)，有清新健康口味嘅麻醬玉米沙律包 (Corn Salad Bun with Sesame Sauce，$8.5 /個)，有脹卜卜嘅綠茶紅豆忌廉包 (Green-tea & Red Bean Cream Bun，$8.5 /個)，仲有大大條腸仔嘅蜜糖芥末腸仔包。
而我最欣賞嘅就有飯糰包 (Onigiri Bun，$5 / 個），外表用料同飯糰一樣，惹味可口，仲有內裡超軟超煙韌嘅麻糬波，真係好好食，而且仲有三種口味，芝士，竹炭芝麻及綠茶紅豆 (Cheese/Sesame & Charcoal/Green-tea & Red Bean Monchi) $3.5 / 粒，而 $10 就有 5 粒。另外亦即場試食北海道 3.6 牛乳蛋白撻 (3.6 Hokkaido Milk Egg White Tart) $7 /件，撻皮香脆，3.6 牛乳味香濃，而蛋白餡料很嫩滑，真係好正呀！
跟住就到東海堂全新「真夏の果實」cake little 嘅介紹，由 AKB48 人氣偶像小嶋陽菜繼任代言人，無論是蛋糕還是AKB48 人氣偶像小嶋陽菜也很受大家歡迎。
全新期間限定的「真夏の果實」cake little 系列，特選日本三大水果名物 ─ 熊本蜜瓜、巨峰提子及沖繩菠蘿，每個直徑約五吋，價錢是 $ 108 至 $128，定價合理。東海堂今次更設計咗一系列嘅 '情景' 蛋糕禮盒，分別表達「天晴」，「聽」雨，「氣息」，「暖陽」同埋「雪國」，等大家食蛋糕之前都可以感受一下盒上嘅 '情景'。東海堂亦都會分階段推出三款限量版小嶋陽菜精美和風紙扇，只須購買任何一款 cake little 蛋糕便可以獲得禮品。
熊本の蜜語 (Kumamoto Jelly) $108我最喜歡嘅就係熊本の蜜語 ，3D 立體蜜瓜造型很別緻，用上朱古力來做蜜瓜柄，頂層係蜜瓜果凍，晶瑩剔透，內裡嘅粒粒蜜瓜清晰可見。蜜瓜係產自上九州熊本縣，瓜味香濃，水分特高，肉質綿密，真係好好味。而下層就由鬆軟嘅海綿蛋糕包著白朱古力碎同蜜瓜軟心果凍，每一層都有不同嘅質感。青綠色嘅熊本の蜜語無論外表同味道都給人清新感覺，好適合夏天品嚐呢。
巨峰の季節 (Kyoho Grape-Go) $128嘩嘩嘩！紫色嘅蛋糕，好靚呀！立體巨峰提子造型，亦用上朱古力來做提子柄，外層係柔滑嘅藍莓慕絲，包著黑森林蛋糕，最特別就係中間用上流心巨峰提子汁，同埋原粒去皮巨峰提子。由於我自己本身唔食提子味甜品，所以覺得唔係咁啱我口味。
沖繩の菠浪 (Okinawa Pineapple & Orange Mousse) $108蛋糕上有片片鮮嫩菠蘿，沖繩菠蘿特別香甜多汁。再加上炙燒過嘅菠蘿，份外清甜。外層係幼滑嘅香橙慕絲，內裡有海綿蛋糕和菠蘿果凍夾心，係健康清新之選。
白桃の愛慕 (White peach mousse) $108我本身好鍾意食白桃，見到呢個咁多白桃嘅蛋糕，真係好開心。外層有晶瑩剔透嘅白桃，加咗少少開心果碎點綴，桃味十分清香，果肉軟腍多汁。下層用上北海道 3.6 牛乳製作而成以白桃慕絲包著白桃和海綿蛋糕。
赤莓の動心 (Mixed Berries-Go) $128
今次嘅紅草莓造型有點像蕃茄，嘻嘻。蛋糕外層係雜莓慕絲，內裡係有鬆軟的海綿蛋糕，流心草莓果汁同埋粒粒草莓果肉，清甜可口，啱晒我呢個愛莓之人。
最後東海堂更送出為我哋而設嘅「真夏の果實」cake little 迷你版，飲品和蛋糕嘅換領券，好讓大家可以同家人朋友分享，在此真係衷心多謝。
Post
