Video
Read full review
2022-02-12
538 views
Muta Restaurant Muta restaurant係K11 ATUM嘅姊妹店，同樣有住相當吸引嘅High Tea Set。老闆之前喺澳洲酒店擔任總廚，回港後就創辦了ATUM/十下火鍋/青花。菜式大多貴精不貴多，全部都受港人歡迎，30歲就有一定嘅成就😲。 Muta嘅環境就冇ATUM咁高雅，呢度就走日系温和嘅路線，佔地3000尺，空間感極高，燈光暗淡暖和，走到那裏都有種温罊嘅感。裏面設有日式嘅tatami同翠綠鮮草，又有一種小清新嘅風格☘。 餐牌選擇唔多，但函蓋了洋風/意式/英式嘅元素。黎到呢度好多人都會揀picnic box(tea set)或者係烤麵包set。我就認為toast set 性價比較低😅，所以就冇叫到。餐廳早上九點正就開門，早起嘅動物又可以食all day breakfast。 明太子雞翼$78 性價比就正常，都有四隻。入面嘅饀料頗多，十分飽滿。一咬入口，密麻麻嘅明太子同白色魚卵喺口中爆開，咸度適宜，鮮味十足，香口微辛。雞肉香嫩多汁，尚有肉味，如果雞皮帶點微脆就好👍。配上嘅蛋黃醬以咸味為主，帶有海苔/木魚嘅鮮味，同雞翼配合得好好。 壽喜燒牛肉蛋汁意大利飯$158
Muta restaurant係K11 ATUM嘅姊妹店，同樣有住相當吸引嘅High Tea Set。老闆之前喺澳洲酒店擔任總廚，回港後就創辦了ATUM/十下火鍋/青花。菜式大多貴精不貴多，全部都受港人歡迎，30歲就有一定嘅成就😲。
Muta嘅環境就冇ATUM咁高雅，呢度就走日系温和嘅路線，佔地3000尺，空間感極高，燈光暗淡暖和，走到那裏都有種温罊嘅感。裏面設有日式嘅tatami同翠綠鮮草，又有一種小清新嘅風格☘。
餐牌選擇唔多，但函蓋了洋風/意式/英式嘅元素。黎到呢度好多人都會揀picnic box(tea set)或者係烤麵包set。我就認為toast set 性價比較低😅，所以就冇叫到。餐廳早上九點正就開門，早起嘅動物又可以食all day breakfast。
明太子雞翼$78
明太子雞翼
$78
42 views
1 likes
0 comments
性價比就正常，都有四隻。入面嘅饀料頗多，十分飽滿。一咬入口，密麻麻嘅明太子同白色魚卵喺口中爆開，咸度適宜，鮮味十足，香口微辛。雞肉香嫩多汁，尚有肉味，如果雞皮帶點微脆就好👍。配上嘅蛋黃醬以咸味為主，帶有海苔/木魚嘅鮮味，同雞翼配合得好好。
明太子雞翼
$78
23 views
0 likes
0 comments
壽喜燒牛肉蛋汁意大利飯$158
壽喜燒牛肉蛋汁意大利飯
$158
25 views
0 likes
0 comments
賣相撲實，飯量適中，又有層照燒汁。Risotto嘅汁液唔多，望落只係平常嘅雞湯燉飯，點知味道意外地香濃甜美，充滿醬油味淋嘅日式風味🤤。上面嘅蛋汁帶來更多香滑感，加上明顯嘅蒜粒，水準頗高，如果飯粒口感更Al Dente、煙韌結實就好啦。
上面嘅牛片唔會太瘦，吸收了大量甜美濃郁嘅汁，但又冇搶走牛肉本身嘅肉味，如果焦香感多D就更好🤏。
Picnic platter $428
Picnic platter
$428
15 views
0 likes
0 comments
價錢以平常afternoon tea set黎講算係入門版，人均$214一人。每人有湯x1，鹹點x3，scone x1，甜點x6。鐘意食鹹點嘅人可能會有D失望，但呢個木盒係極之igable，巨形得黎又可以任意摺疊，搞到我地要企起身影相，待應見到都習以為常🤣。
店員先推介食下層嘅鹹點。全部食物(除了scone)都不講求温度，所以我就食scone先啦。
Scone：質素正常，唔會太乾又太硬，有少許奶香同牛油香。配上嘅clotted cream就令佢更輕。果jam顏色過於鮮豔😅，甜度適中，唔會有浸藥水味。
吞拿魚他他：餐廳將魚肉調得偏鹹，有微微醋香，清新誘人，魚肉水嫩，品質唔差，配上魚子令鹹鮮味更濃👍 。
鵝肝米餅：肝醬都唔少，好smooth，冇腥味，鹹香重，脂香感適當，唔會太膩。米餅重複了，我就覺得調味可以多D，有D齋(可能係我本人唔太鐘意呢家野😬)。
甜品個盤有兩件係塞咗入去，拎出黎嗰陣好唔就手。
Opera cake：有完美嘅layers，上層朱古力香濃脆身，中間嘅杏仁蛋糕有少少酒香同咖啡味，配上白色嘅buttercream，chocolate Ganache，成個蛋糕都好rich同dark，正🤤。
檸檬吉士撻：檸檬吉士好酸🥴，但我覺得可以接受，好smooth，但唔係杰。曲奇餅底鬆化香口。
紅莓芝士蛋糕：上層紅莓果醬fruity而光滑，再有半軟淋嘅紅莓粒。芝士蛋糕縫鬆而平衡了濃郁嘅果醬。
紅莓泡芙：有冇發現有好多紅莓😑外層泡芙空氣感高，中間有層莓mousse同果醬，兩者都極之滑溜creamy，我就好鐘意。下面嘅朱古力餅底就有D多餘。
朱古力手指/波波：兩樣野食落一模一樣，呢點真係忍唔住要彈下👎。兩者嘅外皮同樣冇口感/味道，朱古力正常流心品質。
Post
