Avenue75

Open Now

Now Closed

餐廳：Avenue75地點：尖沙咀麼地道菜式：酒吧西餐廳餐牌：餐牌主要係小食，有Tapas，串燒，都有肉類，薄餅，湯，意大利粉同意大利飯。泰式冰鎮鮑魚 $168 另加一一客四大隻連殼鮑魚冰鎮住上枱。原來鮑魚已經切好片，放便食用。鮑魚好有嚼勁，非常新鮮，點另上既香茅青檸酸辣汁好好味。炭燒墨魚柳 $95 另加一炭燒墨魚柳大大份，切好一片片，方便食用。墨魚柳燒得少少燶，食落彈牙又爽脆，味道都幾好，伴有少少青瓜同車厘茄。另上酸辣汁，味道都頗爲辣。Ankara $100 另加一Hibiscus Infused Bombay SapphireVerbena Rooibos TeaHoneyChilli Peri Peri呢杯cocktail係非洲背景，隻杯同隻碟係一套，賣相好有異國風情。飲品暖暖地上枱，顏色呈酒紅色。服務員介紹主要係氈酒同茶，面頭有一粒辣椒，都算易入口。裝修以海藍色為主調，燈光昏暗，音樂輕鬆。