Avenue75

Open Now

Now Closed

今晚收工去左一間位於尖沙咀既酒吧餐廳chill一chill，叫Avenue75。裝修以海藍色為主調，燈光昏暗，音樂輕鬆。星期三晚Happy Hours都好多人。餐牌主要係小食，有串燒，都有主菜，意大利粉同炒飯。第一次黎，叫左一個主菜同一份Asian tapas試試。炭燒墨魚柳 $95 另加一上枱已經聞到好香，炭燒墨魚柳一客兩大塊切片，方便食用。墨魚柳燒得少少燶，食落又彈牙，好味。另上酸辣汁，有少少辣，點左汁食更開胃，伴有少少青瓜同車厘茄。呢個價錢有呢個份量唔貴呀。燒原條牛肋骨，菠蘿青瓜沙律 $268 另加一燒原條牛肋骨真係有條骨比你，起哂d牛肋肉，唔洗切。牛肋肉整得好夠腍，又重牛味，而肉汁豐富，加埋上面既燒肉汁非常好食。另上泰式酸辣汁，點左食都好味。沙律除咗醃酸既青瓜同菠蘿之外，仲有少少沙律菜同車厘茄。今餐食物唔錯，估唔到呢間酒吧餐廳既水準都咁高。