Video
Read full review
2020-08-06
2329 views
上兩個月已經想去呢間坐落於中環嘅得獎cafe，不過由於工作繁重，所以一直都冇時間去。咁啱呢幾個星期都係home office 既關係，我終於可以快快脆脆做完手上嘅工作，然後黎一個 getaway 😚餐廳喺咖啡界曾經奪得多個世界及香港獎項，所向披靡。我同朋友大約兩點鐘黎到，店內已經有唔少慕名而來嘅食客，就係為左品嚐高質咖啡。餐廳既裝潢簡約而有情調，我地一入到去就已經感受到濃濃嘅cafe 氣息，牆上亦展示左不同種類嘅咖啡豆同埋各色各樣嘅小擺設。由於店內下層已經滿座，我地被店員安排到樓上既坐位。店員為我地呈上左兩個餐牌，包括lunch combo 同埋 brunch combo，另外仲有多款傳統飲品同埋特色飲品。我地都一致覺得每一道菜式都好吸引，而且我本身都好中意食cafe 既toast 同埋pasta，所以用左十分鐘先做到決定 😂我地最後揀左一道brunch combo 同埋一道breakfast of champions，分別係Egg Benedict with slow roasted pulled pork 同埋crab and avocado with toast 🍳🥓🥑🥪下面會有
餐廳喺咖啡界曾經奪得多個世界及香港獎項，所向披靡。我同朋友大約兩點鐘黎到，店內已經有唔少慕名而來嘅食客，就係為左品嚐高質咖啡。
餐廳既裝潢簡約而有情調，我地一入到去就已經感受到濃濃嘅cafe 氣息，牆上亦展示左不同種類嘅咖啡豆同埋各色各樣嘅小擺設。由於店內下層已經滿座，我地被店員安排到樓上既坐位。
店員為我地呈上左兩個餐牌，包括lunch combo 同埋 brunch combo，另外仲有多款傳統飲品同埋特色飲品。我地都一致覺得每一道菜式都好吸引，而且我本身都好中意食cafe 既toast 同埋pasta，所以用左十分鐘先做到決定 😂
我地最後揀左一道brunch combo 同埋一道breakfast of champions，分別係Egg Benedict with slow roasted pulled pork 同埋crab and avocado with toast 🍳🥓🥑🥪下面會有更詳細嘅介紹 😋
Crab & Avocado with Toast 🦀🥑🥪 $138
呢個toast 用料非常豐富，最底層係切成小塊既新鮮avocado，中間係藍蟹肉，而面頭鋪滿左鮮味既三文魚籽。
三種主要食材都係十分健康同美味。雖然牛油果🥑就咁切片再加少少鹽已經好好味，但如果唔想太乾，通常都會配以醬汁食用。呢道菜所用既係sriracha mayo同埋藜麥香芹油(quinoa parsley oil)，淡淡既藜麥香味同牛油果好相配，兩者都係充滿nuts 既味道。
而藍蟹肉肉質爽嫩，每一啖都食到蟹既鮮味同埋微微嘅海水味，再配埋粒粒包滿彈牙嘅三文魚籽，真係名副其實嘅鮮味十足！🦀👍🏻
另外餐廳所用既並非一般嘅toast而係sourdough toast，要做呢款麵包，廚師要預早大約一星期預備酸麵種。加入左酸麵種做出黎嘅麵包氣孔比較不一，紋理緻密，所以會見到toast 嘅表面有好多大大小小嘅花紋。至於味道方面，聞落其實都唔覺得好酸，而食落就酸酸甜甜，味道一啲都唔寡～ 🍞
多款食材加埋一齊令整道菜更有層次感，無論口感定係味道，都係完美嘅配搭，難怪成為咗餐廳近期嘅大熱菜式，中意食avocado 嘅朋友一定要黎試下！
Egg Benedict with slow-roasted pulled pork $128
朋友點嘅係egg benedict配以慢烤手撕豬肉(slow-roasted pulled pork)，egg benedict即係水波蛋，只係表面既蛋白凝固左但入面既蛋黃依然係流質狀態，一切開蛋黃醬就會湧出黎 😋
呢個egg benedict 同傳統嘅製法一樣，都係加入幼嫩菠菜同埋荷蘭醬(aerated hollandaise)。荷蘭醬係法式料理五大醬汁之一，酸甜清香富有奶油嘅味道，係egg benedict 嘅靈魂。
雖然我地平時都好中意食煙三文魚，但自從之前試過墨西哥菜既pulled pork，我地一直都念念不忘，所以今次揀左slow-roasted pulled pork 😍🔥🥓
Pulled pork 係以低溫慢烤並加以煙燻而成，所以出爐嘅豬肉都係非常軟身，入口即化，而且用叉一拉就會散，可能因為呢個原因所以叫做 pulled pork 😋
呢道菜同樣地配以sourdough toast，味道真係好唔錯。個人好中意佢帶有香烤風味既微辣手撕豬肉，再配埋嫩滑嘅菠菜同蛋醬，惹味又香滑🌶🥓🍳🌱🍞👍🏻
Filter coffee (single origin) $50
我地黎到奪冠嘅咖啡店，緊係要試下佢地嘅咖啡☕️ 朋友點左filter coffee，即係手沖式咖啡或者滴漏咖啡。
店員隨即為我地簡述每一款產地同風味不同既咖啡豆，朋友最後揀左LOS NARANJOS。
呢款咖啡豆原產地係歌倫比亞西南部嘅烏伊拉省(Huila)，主要嘅味道係酸酸甜甜，酸味係來自blood orange，而甜味係來自brown sugar 同埋 white grape，當然仲有咖啡豆自帶嘅苦澀味。
雖然呢種並非獲獎嘅咖啡豆，但佢嘅味道獨特，層次豐富，要慢慢飲用先可以品嘗到當中嘅甘甜 🍇☕️
Chocolate with marshmallow $45我就點左一杯經典嘅熱朱古力，面頭除左鋪滿朱古力粉之外，仲灑滿左香甜嘅綿花糖。熱朱古力味道濃郁🍫，飲完暖笠笠 ☺️
整體黎講，餐廳氣氛休閑舒適，好適合中意慢活嘅人。而且食物質素亦都好好，店員既服務態度親切有禮，我要再帶其他朋友去試菜。
Post
