azito (Closed)

原來理大入面有間唔駛拍理大卡都入到既餐廳，除左散叫既餐點外仲有2人餐或者4人餐，今日我地就試到佢地既二人餐，超級豐富，食到勁飽😹和風玉子燒拼盤😸玉子燒有6粒，3粒上面係蟹籽，3粒上面係魚籽，另外仲有沙律醬係每粒蛋上面，每粒都燒到金黃色，好嫩好滑，無論同蟹籽定係同魚籽一齊食都好好食。挪威三文魚凱撒沙律😺沙律絕對係開胃之選，三文魚夠咸夠香，同清新既菜一齊食好夾，仲有啲麵包粒同芝士粉，好fresh好正。炭燒封門牛柳黑炭漢堡配黑松露薯條😻漢堡入面既封門柳絕對唔少，又厚又濃牛味，肉質好好，成個漢堡一啖咬落去口感好豐富，薯條又脆又香黑松露味，正呀！地中海海鮮配蝦頭酒忌廉汁扁意粉😽意粉既海鮮好多，每啖麵都有海鮮既鮮味，白酒忌廉令意粉好香，超級好食。無冰奶茶/極焙抹茶😼兩樣都係枝裝飲品，無冰奶茶好香好清好醇，整焙抹茶就好濃好香，兩枝都好好飲，又方便。