Babbo Trattoria (Closed)

朕今日又出左銅鑼灣尋食，好似好耐未食過意菜，於是朕就吩咐貼身隨從Check下有邊間意菜好食，隨從就提意左呢間Babbo Trattoria!朕先點左酥炸海鮮拼盤，有新鮮大蝦，魷魚同埋青口，炸物香口，再加少少青檸汁，增添清新香味。再黎個西西里蕃茄海鮮湯，湯料充足，有魷魚大蝦同埋蜆肉，湯有淡淡既蕃茄味，濃濃既海鮮味，份量十足！主菜朕就點左USDA美國頂極窯烤牛小排，Babbo用上窯烤牛排，窯烤爐加熱後温度可以高達400度以上，能急速封住牛排外表，令到牛排外表酥香，一切開則像果凍般嫩紅，咬落鮮嫩多汁，再配搭蔬菜，馬玲薯同埋磨菇，份量十足又好味！朕既貼身隨從就點左個《特製烏魚子鮮蝦蕃茄吸管意粉》，有鮮蝦又有大量既烏魚子，另外比較特別既係平時食意粉朕係一口啜入去，但係吸管意粉因為中間中空，如果你用氣大力吸，你只係會吸到空氣，意粉原封不動，小心，小心！另外而家到Babbo打咭同埋讚好專頁，Babbo會每兩人送半隻《爆芝龍蝦》，正所謂有肉唔食，罪大惡極，朕梗係唔客氣啦，龍蝦肉非常彈牙，鮮味香濃，加埋個爆芝汁同埋龍蝦膏，鮮味澎湃。最後朕點左杯新鮮奇異果汁，清新潤喉，為呢一餐豐富既意菜畫上完美既句號。。