來佬餐館 (Closed)

黎到來佬餐館好似去到舊時，跟屋企人去d高級西餐廳嘅感覺！屋企人好buy依間餐廳，因為食緊中菜，不過西式service，就算同爺爺麻麻食，都唔難揀菜！無邪惡既網紅芝士、綠茶同朱古力，反而食物好著重質素，而且款款都好經典，但又有d錦上添花既野。我地食左香脆拼盤，個炸春卷同可樂餅都勁味。個炸春卷入面應該係d煮過既蔬菜，夠熱夠fresh，個皮又夠脆。而可樂餅入面啖啖都係蟹肉，唔洗任何醬，因為本身都好好味我地仲食左好少法式田螺，少少香草味，好香蒜蓉味。平時有薯蓉我地都唔會食，今次反而個個都爭住食，因為佢地將個烤薯蓉得好脆口，又香牛油味。我地無嗌set, 寧願叫多幾個菜大家share。最出色係乳鴿同雞翼。佢地都叫「來佬汁」，大約就甜甜地咸咸地，似濃味版瑞士汁，非常入味！而且d肉好滑。