Video
Read full review
2022-04-09
3636 views
呢間buffet勝在環境認真唔錯 開放式嘅空中花園比人好有空間感 係門口已經擺咗唔少pops 例如筆座係會咬人嘅骷髏骨 又擺埋斷手係盆栽度🤣簡直係唔止有駐場歌手咁簡單 今次個theme仲有齊日韓法Buffet雖然因為遲booking所以座位被編去樓下宴會廳🤣下下要搭扶手電梯上番去樓上拎野食 開頭都有啲無奈 但啲廳裡waiters服務又唔錯 自動fill枱頭暖水 又有幾部大大電視 咁就算啦 食得暢唔暢快都係睇自己嘅啫。。。🦔👉皇牌蝴蝶酥帝京酒店嘅蝴蝶酥一向都出名 今次出場嘅原味同抹茶味果然係名不虛傳咁脆咁香 味道點到即止的好 唔係好重牛油味或偏甜咁搶fo 而係帶出佢本身嘅味道 抹茶粉又唔會過濃但又有一定嘅茶味 食多幾件都抵番哂！。。。🦔👉雜果拿破崙後悔無食多幾嚿wuuu 水平當然係average以上 但我嫌可以再鬆脆啲 勝在整個比例好平均 水果、custard、酥皮3樣野嘅份量配合得好好。。。🦔👉波士頓龍蝦果真係海鮮盛宴🦞隻隻都厚肉精緻 帶點微膏🤪半隻開咗認真方便 我呢啲手殘都食到 內裡龍蝦肉係鮮甜到令我喜出望外 不過多汁啲會開心啲。。。🦔👉自選壽司即切嘅日式刺身魚生當然唔少得 三文魚、
雖然因為遲booking所以座位被編去樓下宴會廳🤣下下要搭扶手電梯上番去樓上拎野食 開頭都有啲無奈 但啲廳裡waiters服務又唔錯 自動fill枱頭暖水 又有幾部大大電視 咁就算啦 食得暢唔暢快都係睇自己嘅啫
。。。🦔
👉皇牌蝴蝶酥
帝京酒店嘅蝴蝶酥一向都出名 今次出場嘅原味同抹茶味果然係名不虛傳咁脆咁香 味道點到即止的好 唔係好重牛油味或偏甜咁搶fo 而係帶出佢本身嘅味道 抹茶粉又唔會過濃但又有一定嘅茶味 食多幾件都抵番哂！
。。。🦔
👉雜果拿破崙
後悔無食多幾嚿wuuu 水平當然係average以上 但我嫌可以再鬆脆啲 勝在整個比例好平均 水果、custard、酥皮3樣野嘅份量配合得好好
。。。🦔
👉波士頓龍蝦
果真係海鮮盛宴🦞隻隻都厚肉精緻 帶點微膏🤪半隻開咗認真方便 我呢啲手殘都食到 內裡龍蝦肉係鮮甜到令我喜出望外 不過多汁啲會開心啲
。。。🦔
👉自選壽司
即切嘅日式刺身魚生當然唔少得 三文魚、吞拿魚、油甘魚、八爪魚呢啲基本嘅點都有吧😜
🍣
7吋長蟹棒壽司
不得了🤣差唔多成隻碟咁長 嚿飯照舊咁細 對比感十足🤩但呢啲gimmick野咬落不太嫩口 質感幾實 食落無乜蟹味🥴真係黎打卡
🐂
沖繩火炙和牛壽司
本身已經係半成熟 燒完之後確實係靚嘅🤪幾嫩幾易入口 但食落無想像中咁重牛味
。。。🦔
👉片皮鴨
其實呢度多款中菜都有番咁上下水準 家常便菜、大斑🐟、燒味又有 連有時口痕想食嘅片皮鴨都有！鴨片、京蔥絲、青瓜條、醬料呢啲一應俱全😋餅皮更用蒸籠儲起唔少 拎番去慢慢包真係正正子 不過始終鴨片唔係新鮮燒起 食落風味係差梗啲
。。。🦔
👉自選車仔麵
無個攤位圖 但有製成品比大家睇🤣眼前多過10款料 細至墨魚丸 大至罕有嘅海鮮都有得揀！蛤蜊極之鮮甜 仲竟然比我搵到瀨尿蝦🤩大隻得黎肉很鮮 臨到尾聲諗住去揀碗麵仔食啦 點知阿姐仲送多咗幾隻蟹腳、大量魷魚比我😂加埋我自選嘅粗麵底 呢碗車仔麵認真來得滿足🥰
。。。🦔
👉即燒爐端燒
想食下燒烤嘅話 呢度又有人燒比你😜煙肉香腸、甜薯、南瓜、雞軟骨、秋葵、牛舌等 款款都新鮮唔乾身
。。。🦔
👉多國菜式
我會咁講 呢度嘅款式係算多而不精🤡值得一提係個酥炸蠔係幾唔錯😎粉少餡靚 炸得黎又唔太熱氣 其他例如頭盤salad都有數款 我無試但感覺似平時自助早餐嗰啲🥴深得港人歡心嘅韓式芝士年糕、泰式海南雞飯又有 印度咖喱都有幾道菜👳♀️但啲薄餅皮係濕氣偏重似中式包點皮 其他即切嘅西冷、豬腩骨等只可話正常發揮 無特別驚喜 下次我會寧願試其他款式嘅buffet
。。。🦔
👉雪糕+自選班戟
除咗必試嘅甜品以外 都有6款有多嘅哈根達斯雪糕 仲可以即場煎塊新鮮熱辣嘅pancake 落心儀配料 凍嘅可以自製生果涼粉+芋圓 係幾有心思嘅🤭芋圓控表示圓糊啲會開心啲
Post
