Video
Read full review
2015-03-27
2989 views
老婆晌教會有個相熟嘅年輕人J君，成長過程遇到唔少家庭問題，一直都會關心吓佢嘅成長，不過非親非故，可做嘅始終有限，所以，有機會就請佢食吓飯兼同佢講吓人生道理。小弟自認做人比較迤，凡事隨遇而安，所以無乜人生大道理 ，道理嘅嘢留番俾老婆講，我就負責付鈔請食飯 ，故食飯地點都由埋小弟負責，揀上Outback除咗質素穩定，其次知道J君鍾意鋸扒，Outback啲嘢應該好啱佢食。星期日正午嘅Outback頗靜，只有靠窗嘅幾行卡位先有客，之後，要到成點先叫有啲人氣，所以，初段我哋用餐嘅氣氛好清靜，十分合適傾吓偈。 蜜糖小麥包 點好菜之後，先送上招牌嘅蜜糖小麥包，講到Outback嘅Feature，非依個蜜糖小麥包莫屬嘞，每次嚟都覺得咁好食 。個子細細嘅小麥包微暖，清甜蜜香，又軟熟；隨包附送忌廉牛油，其實無忌廉成份，不過白雪雪我先咁叫，我成日以為類似酸忌廉嘅嘢，所以「專燈」問侍應查實喺乜嚟，回覆喺自家製牛油 。午餐分開3級價錢：$86、$96、$106，每級都有4款選擇，均配上是日餐湯、沙律、蜜糖小麥包及自選啡茶，當然加一小費走唔甩。雖然我哋3個人，但無點足3份午餐，因為老婆想點個香脆薯
星期日正午嘅Outback頗靜，只有靠窗嘅幾行卡位先有客，之後，要到成點先叫有啲人氣，所以，初段我哋用餐嘅氣氛好清靜，十分合適傾吓偈。
蜜糖小麥包 點好菜之後，先送上招牌嘅蜜糖小麥包，講到Outback嘅Feature，非依個蜜糖小麥包莫屬嘞，每次嚟都覺得咁好食 。個子細細嘅小麥包微暖，清甜蜜香，又軟熟；隨包附送忌廉牛油，其實無忌廉成份，不過白雪雪我先咁叫，我成日以為類似酸忌廉嘅嘢，所以「專燈」問侍應查實喺乜嚟，回覆喺自家製牛油 。
蜜糖小麥包
204 views
1 likes
0 comments
香脆薯條混芝士 $82 炸好薯條後，再撒上煙肉粒、蒙特萊傑克芝士及車打芝士，薯條既香脆，又惹味，濃香滋味，只可以講喺啖啖邪惡，唯有高呼膽固醇萬歲 。想自己食得安樂啲，出路就喺沾一點自家製農村沙律醬，酸酸香香中和半分油膩，等內心好過少少。
香脆薯條混芝士
$82
419 views
1 likes
0 comments
餐湯及沙律質素就普普通通啲，前者只喺一般嘅粟米忌廉湯，味道較淡，得啲忌廉味，底下有少少粟米粒咁，不過，唔知點解仲加啲菜晌面，賣相古古怪怪；沙律喺田園沙律而已，伴蜜糖芥末汁，還好啲沙律菜幾爽，醬汁嘅味道調校得不俗。
特色西冷牛扒 $106 件西冷扒一定足6安士呀，因為都幾厚幾大件，配蘑菇燒汁、烚西蘭花及特色雞味飯。我哋要求五乘熟，牛扒表面燒得焦香，裡面一切開清楚見到肉心仍然粉嫩，肉汁輕輕滲出；肉質軟腍富彈性，又夠晒肉味 ，不過，啲有味飯又唔喺話好有味，只喺隱隱若若咁。
特色西冷牛扒
$106
314 views
1 likes
0 comments
炭燒豬肋骨 $106 豬肋骨燒得有板有眼，一大條骨配炸薯條，而醬汁可揀蘋果芥末醬、香濃燒烤醬及辣雞翼醬，我哋揀嚟蘋果芥末醬貪其有自家特色。豬肋骨好鬆化，又好入味，再蘸些少蘋果芥末醬，甜甜辣辣，非常有趣。
炭燒豬肋骨
$106
209 views
2 likes
0 comments
餐飲方面，冷熱同價，所以J君點咗杯凍奶茶，自己郁手郁腳加奶加糖漿，味道當然唔及茶記啦，茶底較淡。
凍奶茶
92 views
0 likes
0 comments
雖則唔喺咩鮮奶咖啡或意大利泡沫咖啡，只喺普普通通嘅一杯熱咖啡，但仍然不失香醇。一邊細味，一邊傾偈，繼續悠閒寫意嘅下午。
熱咖啡
124 views
2 likes
0 comments
Post
