Delite Long Ping Bistro (Closed)

某個星期六，同朋友經過呢間餐廳，覺得佢嘅裝修俾人覺得會坐得幾舒服嘅感覺，就入去試吓，食物係可以嘅，唯獨是講廣東話嗰位waitress 嘅服務態度就非常欠佳，由招待入餐廳內至到離開果一刻，全程都係木無表情，完全沒有笑容，令我倆覺得有不被受歡迎嘅感覺，當我哋用完餐坐咗一陣之後，天花上向住我哋嘅冷氣風口，風勢開始突然變得超猛，我哋過咗一陣都忍唔住要即時離開，呢種情況令我地覺得有趕客之嫌！所以，呢間餐廳嘅服務態度，係唔會值得我哋再去幫襯！另外值得一讚嘅係，餐廳內嗰位外籍講英文嘅waitress，佢嘅服務態度就非常好同專業，不時笑住問要唔要幫我哋加啲水，呢位員工就係呢間餐廳唯一可取同值得讚賞嘅一點。總括嚟講，冇下次！食物水準是可以的，份量亦足夠，價錢尚算合理，食物種類和款式亦與同區其他餐廳類似，整體上食物質素、款式和價錢都與同區其他餐廳相若。